„აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2021 წლის 22 მარტის №15 დადგენილებაში ცვლილებების შეტანის შესახებ“

1.  მე-4 მუხლი  ჩამოყალიბდეს შემდეგი რედაქციით:

„მუხლი 4. სტრუქტურული ქვედანაყოფები

სამინისტროს სტრუქტურული ქვედანაყოფებია:

1. პოლიტიკის დეპარტამენტი:

ა) ჯანმრთელობის საკითხთა სამმართველო;

ბ) სოციალურ საკითხთა სამმართველო;

გ) პროგრამების სამმართველო.

2. ადმინისტრაციული დეპარტამენტი:

ა) იურიდიულ საკითხთა და ადამიანური რესურსების მართვის სამსახური;

ბ) საქმისწარმოების სამსახური.

3. საფინანსო-ეკონომიკური დეპარტამენტი:

ა) საფინანსო სამსახური;

ბ) სახელმწიფო შესყიდვების სამსახური.

4. შიდა აუდიტის სამსახური.“.

2.  მე-8 მუხლის პირველი პუნქტის „ა“ ქვეპუნქტს დაემატოს შემდეგი შინაარსის „ა.მ“, „ა.ნ“ და „ა.ო“ ქვეპუნქტები:

„ა.მ) მართვაში არსებული სამედიცინო დაწესებულებების ამოცანების, რეალიზაციის ხელშეწყობა, გარე კაპიტალის მოზიდვა, მართვის ეფექტურობის ამაღლების უზრუნველყოფა;

ა.ნ) მართვაში არსებული სამედიცინო დაწესებულებების საქმიანობის ხელშეწყობა და მართვის უზრუნველყოფა;

ა.ო) მართვაში არსებული სამედიცინო დაწესებულებების ბიზნესგეგმების შესრულების, ფაქტობრივად მიღებული მოგების მონიტორინგისა და კონტროლის უზრუნველყოფა.“.

3. მე-9 მუხლის „ა“, „ბ“, „გ“ და  „დ“ ქვეპუნქტები ამოღებულ იქნეს.

4.  მე-9 მუხლის შემდეგ დაემატოს შემდეგი შინაარსის  9¹ მუხლი:

„მუხლი 9¹.  საფინანსო-ეკონომიკური დეპარტამენტი  

დეპარტამენტის ძირითადი ამოცანებია საფინანსო და ეკონომიკური საქმიანობის განხორციელება, სამინისტროს კოორდინაცია და მართვა, მატერიალურ-ტექნიკური უზრუნველყოფა:

ა) საფინანსო მიმართულებით:

ა.ა) სამინისტროს სისტემის ფინანსური საქმიანობის კოორდინაცია და მართვა;

ა.ბ) აფხაზეთიდან იძულებით გადაადგილებულ და ოკუპირებული აფხაზეთის ტერიტორიაზე მუდმივად მცხოვრებ პირთა ჯანმრთელობისა და სოციალური დაცვისთვის/უზრუნველყოფისათვის სამინისტროს პროგრამებისათვის დანახარჯებისა და რესურსების პროგნოზირება და ხარჯვის მიმდინარეობის მონიტორინგი და ანალიზი;

ა.გ) ფინანსური რეგულაციების სწორად და სრულად დანერგვის უზრუნველყოფა;

ა.დ)  საბუღალტრო აღრიცხვის სათანადო ორგანიზაციის უზრუნველყოფა, სამინისტროს სისტემაში შემავალი ერთეულების ფინანსური ანგარიშგების შემოწმება და ინდივიდუალური და კონსოლიდირებული ბალანსების შედგენა/ ანგარიშგება მოქმედი კანონმდებლობის შესაბამისად;

ა.ე) სამინისტროს წლიური და საშუალოვადიანი ბიუჯეტების პროექტების მომზადება, ერთიანი ბიუჯეტის შემუშავება და მისი აღსრულების კოორდინაცია;

ა.ვ) საფინანსო-ეკონომიკური და საბუღალტრო საქმიანობის წარმართვა თანამედროვე სტანდარტების შესაბამისად და შესაბამისი ხარჯთანუსხის შედგენა.

ბ) შესყიდვების მიმართულებით:

ბ.ა) შესყიდვების პროცესის ეფექტურად მართვა;

ბ.ბ) სახელმწიფო შესყიდვების ორგანიზება;

ბ.გ) სახელმწიფო შესყიდვების წლიური გეგმის პროექტების მომზადება და დადგენილ ვადაში სახელმწიფო შესყიდვების სააგენტოსთვის წარდგენა;

ბ.დ) სამინისტროს მატერიალურ-ტექნიკური უზრუნველყოფა;

ბ.ე) სამინისტროსათვის მოქმედი კანონმდებლობის შესაბამისად გადაცემული ჰუმანიტარული ტვირთის მიღებისა და დასაწყობების ორგანიზება;

ბ.ვ) სახელმწიფო შესყიდვების თაობაზე წარმოდგენილი ინფორმაციის ანალიზი;

ბ.ზ) კანონმდებლობით გათვალისწინებული სხვა ფუნქციების შესრულება.“.

5. 10​¹ მუხლი ამოღებულ იქნეს.