თელავის რაიონის წინანდლის მევენახეობის საბჭოთა მეურნეობისათვის ადრე გამოყოფილი მიწების დაბრუნების შესახებ

საქართველოს რესპუბლიკის მინისტრთა საბჭოს

დადგენილება №738

1990 წლის 10 დეკემბერი

ქ. თბილისი

თელავის რაიონის წინანდლის მევენახეობის საბჭოთა მეურნეობისათვის ადრე გამოყოფილი მიწების დაბრუნების შესახებ

საქართველოს რესპუბლიკის მინისტრთა საბჭო ადგენს:

1. დამტკიცდეს თელავის რაიაღმასკომის 1990 წლის 25 იანვრის №25 და 3 აგვისტოს № 764 გადაწყვეტილებანი და დაუბრუნდეს წინანდლის მევენახეობის საბჭოთა მეურნეობათა 104 ჰექტარი ფართობი, აქედან:

– ალაზნის მეცხოველეობის საბჭოთა მეურნეობის მიწებიდან – 48 ჰექტარი სახნავი;

–  თელავის № 127 სოფლის პროფესიულ-ტექნიკური სასწავლებლის (ყოფილი თელავის სოფლის მეურნეობის მექანიზაციისა და ელექტროფიკაციის ტექნიკუმი) მიწებიდან - 56 ჰექტარი, აქედან: სახნავი – 45 ჰექტარი, ბაღი – 1 ჰექტარი, ვენახი – 8 ჰექტარი, სოფლის მეურნეობისათვის გამოუყენებელი მიწები - 2 ჰექტარი.

2. წინანდლის მევენახეობის საბჭოთა მეურნეობის დირექციამ აუნაზღაუროს თელავის № 127 სოფლის პროფესიულ-ტექნიკურ სასწავლებელს იმ მრავალწლიანი ნარგავების გაშენებისა და შენობა-ნაგებობათა ღირებულება, რომლებიც არაცენტრალიზებული კაპიტალური დაბანდებითაა შესრულებული.

საქართველოს რესპუბლიკის მინისტრთა საბჭოს თავმჯდომარე  თ. სიგუა

საქართველოს რესპუბლიკის მინისტრთა საბჭოს საქმეთა მმართველის მოადგილე   ა. პაიჭაძე