„დიდი ქალაქების, სამრეწველო ცენტრების აგლომერაციის და სახელმწიფო სასაზღვრო ზოლში მოქცეულ ტერიტორიაზე მიწის რეფორმის განხორციელების დამატებით ღონისძიებათა შესახებ“ საქართველოს რესპუბლიკის მინისტრთა კაბინეტის 1994 წლის 29 ნოემბრის № 815 და 1995 წლის 10 მარტის № 129 დადგენილებებში ცვლილებათა შეტანის თაობაზე

საქართველოს რესპუბლიკის მინისტრთა კაბინეტის

დადგენილება №363

1995 წლის 19 ივნისი

ქ. თბილისი

„დიდი ქალაქების, სამრეწველო ცენტრების აგლომერაციის და სახელმწიფო სასაზღვრო ზოლში მოქცეულ ტერიტორიაზე მიწის რეფორმის განხორციელების დამატებით ღონისძიებათა შესახებ“ საქართველოს რესპუბლიკის მინისტრთა კაბინეტის 1994 წლის 29 ნოემბრის №815 და 1995 წლის 10 მარტის №129 დადგენილებებში ცვლილებათა შეტანის თაობაზე

საქართველოს რესპუბლიკის მინისტრთა კაბინეტი ადგენს:

1. მიღებულ იქნეს საქართველოს რესპუბლიკის სოფლის მეურნეობისა და კვების მრეწველობის სამინისტროს წინადადება, შეთანხმებული საქართველოს რესპუბლიკის ეკონომიკის სამინისტროსთან, ფინანსთა სამინისტროსთან, იუსტიციის სამინისტროსთან, არქიტექტურისა და მშენებლობის საქმეთა კომიტეტთან, საქართველოს რესპუბლიკის ქვემო ქართლის მხარის რწმუნებულთან და შეტანილ იქნეს ცვლილებანი საქართველოს რესპუბლიკის მინისტრთა კაბინეტის 1994 წლის 29 ნოემბრის №815 და 1995 წლის 10 მარტის №129 დადგენილებებში, კერძოდ:

– საქართველოს რესპუბლიკის მინისტრთა კაბინეტის 1994 წლის 29 ნოემბრის №815 დადგენილების დანართში მარნეულისა და გარდაბნის რაიონებში გასაცემი მიწების ზღვრული (მაქსიმალური) ნორმები, არსებული საკარმიდამო მიწების ჩათვლით, მეორე კატეგორიის კომლებისათვის დაწესდეს: სარწყავი – 0,13 ჰექტარი (0,10 ჰექტარის ნაცვლად), ურწყავი – 0,22 ჰექტარი (0,20 ჰექტარის ნაცვლად);

საქართველოს რესპუბლიკის მინისტრთა კაბინეტის 1995 წლის 10 მარტის №129 დადგენილებით ბოლნისის რაიონში პირველი კატეგორიის კომლებისათვის ურწყავი მიწების ზღვრული ოდენობა დაწესდეს – 0.50 ჰექტარი (0,35 ჰექტარის ნაცვლად), მეორე კატეგორიის კომლებისათვის სარწყავი – 0,20 ჰექტარი (0,15 ჰექტარის ნაცვლად); ურწყავი – 0,40 ჰექტარი (0,25 ჰექტარის ნაცვლად), ადგილობრივი მიწის რესურსების გათვალისწინებით.

საქართველოს რესპუბლიკის

პრემიერ-მინისტრი                                                                                ო. ფაცაცია