რეექსპორტის საბაჟო რეჟიმის შესახებ" დებულების დამტკიცების თაობაზე" საქართველოს ფინანსთა მინისტრის 205 წლის 7 აპრილის №229 ბრძანებაში ცვლილების შეტანის თაობაზე"

სახელმწიფო სარეგისტრაციო კოდი 230.020.020.22.033.008.612

საქართველოს ფინანსთა მინისტრის

ბრძანება №440

2006 წლის 15 მაისი

ქ. თბილისი

,,რეექსპორტის საბაჟო რეჟიმის შესახებ” დებულების დამტკიცების თაობაზე“  საქართველოს ფინანსთა მინისტრის 2005 წლის 7 აპრილის №229 ბრძანებაში ცვლილების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

    მუხლი 1

 საქართველოს ფინანსთა მინისტრის 2005 წლის 7 აპრილის №229 ბრძანებით დამტკიცებულ ,,რეექსპორტის საბაჟო რეჟიმის შესახებ“ დებულებაში (სსმ III, 2005 წ., №43, მუხ. 451) შეტანილ იქნეს ცვლილება და მე-2 მუხლის მე-5 პუნქტი ჩამოყალიბდეს შემდეგი რედაქციით:

,,5. საქართველოს საბაჟო ტერიტორიაზე შემოტანილი და რეექსპორტის საბაჟო რეჟიმში გაცხადებული უცხოური საქონლის რეექსპორტზე საბაჟო დეპარტამენტის მხრიდან დადებითი გადაწყვეტილების მიღების შემთხვევაში (რეექსპორტისათვის ავტოსატრანსპორტო საშუალებების შემოტანისას გაფორმების საბაჟო ორგანოს თანხმობით) გაფორმების საბაჟო ორგანო უზრუნველყოფს:

ა) საქონლის საბაჟო გაფორმების დასრულებას;

ბ) საქონლის იდენტიფიცირებას საქართველოს საბაჟო კოდექსით დადგენილი წესით;

გ) საქონლის საბაჟო კონტროლის ქვეშ გადაადგილებისათვის საჭირო პროცედურების ჩატარებას, კერძოდ, საქონლის საბაჟო კონტროლის ქვეშ გაშვებას ქვეყნის საზღვარზე განთავსებულ საბაჟო ორგანოს დანიშნულებით, საიდანაც საქონელმა უნდა დატოვოს ქვეყნის ტერიტორია“.

    მუხლი 2

 ბრძანება ამოქმედდეს გამოქვეყნებისთანავე.

ა. ალექსიშვილი