„NBFI დისტანციური ზედამხედველობის პორტალის გამოყენების წესის დამტკიცების შესახებ“ საქართველოს ეროვნული ბანკის პრეზიდენტის 2020 წლის 13 აპრილის №69/04 ბრძანებაში ცვლილების შეტანის თაობაზე

„საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი პუნქტის „ზ“ ქვეპუნქტისა და „ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, ვბრძანებ:

„NBFI დისტანციური ზედამხედველობის პორტალის გამოყენების წესის დამტკიცების შესახებ“ საქართველოს ეროვნული ბანკის პრეზიდენტის 2020 წლის 13 აპრილის №69/04 ბრძანებით (www.matsne.gov.ge, 16/04/2020, 220010070.18.011.016453) დამტკიცებული წესის მე-6 მუხლის მე-4 პუნქტი ჩამოყალიბდეს შემდეგი რედაქციით:

„4. ამ მუხლის მე-2 პუნქტის შესაბამისად, სესხის გამცემ სუბიექტებს, ვალუტის გადამცვლელ პუნქტებს, არასაბანკო სადეპოზიტო დაწესებულებებს – საკრედიტო კავშირებსა და საგადახდო მომსახურების პროვაიდერებს გადაეცემათ მხოლოდ მომხმარებლის იდენტიფიკატორი (username) და ერთჯერადი პაროლი (password).“.

„NBFI დისტანციური ზედამხედველობის პორტალის გამოყენების წესის დამტკიცების შესახებ“ საქართველოს ეროვნული ბანკის პრეზიდენტის 2020 წლის 13 აპრილის №69/04 ბრძანების საფუძველზე საგადახდო მომსახურების პროვაიდერებთან გაფორმებული ელექტრონული/ციფრული ხელმოწერის გამოყენების შესახებ ხელშეკრულებები შეწყდეს საქართველოს კანონმდებლობით დადგენილი წესით.

ეს ბრძანება ამოქმედდეს გამოქვეყნებისთანავე.