„საჯარო სამართლის იურიდიული პირის − სახელმწიფო ქონების ეროვნული სააგენტოს დებულების დამტკიცების შესახებ“ საქართველოს მთავრობის 2012 წლის 17 სექტემბრის №391 დადგენილებაში ცვლილების შეტანის თაობაზე

1.  პირველი მუხლის:

ა) მე-3 პუნქტის შემდგომ დაემატოს შემდეგი შინაარსის 3¹ და 3² პუნქტები:

„3¹. სააგენტო, საქართველოს კანონმდებლობით გათვალისწინებული, ელექტროენერგიის გადამცემი სისტემის ოპერატორის, ბუნებრივი გაზის გადამცემი სისტემის ოპერატორის დამოუკიდებლობისა და განცალკევების მოთხოვნების უზრუნველსაყოფად, ახორციელებს აქციონერის/ პარტნიორის უფლებამოსილებას მის მართვაში არსებულ, სახელმწიფოს წილობრივი მონაწილეობით დაფუძნებულ ელექტროენერგიის, ბუნებრივი გაზის წარმოებისა და ვაჭრობის განმახორციელებელ შემდეგ საწარმოებში:

ა) შპს ენგურჰესი (ს/ნ: 251716371);

ბ) სს ელექტროენერგეტიკული სისტემის კომერციული ოპერატორი (ს/ნ: 205170036);

გ)  სს საქართველოს ნავთობისა და გაზის კორპორაცია (ს/ნ: 206237491).

3². ამ მუხლის 3¹ პუნქტით გათვალისწინებულ აქციონერის/პარტნიორის უფლებამოსილებას სააგენტო ახორციელებს სამინისტროსგან, საქართველოს მთავრობისა და სხვა სახელმწიფო უწყებისგან დამოუკიდებლად და ხელმძღვანელობს საქართველოს კანონმდებლობით დადგენილი მოთხოვნებითა და საქართველოს საერთაშორისო ხელშეკრულებებით.“;

ბ) მე-5 პუნქტი ჩამოყალიბდეს შემდეგი რედაქციით:

„5^. სააგენტოს მიერ გამოცემული ინდივიდუალური ადმინისტრაციულ-სამართლებრივი აქტები საჩივრდება სამინისტროში ან საქართველოს საერთო სასამართლოში, გარდა სახელმწიფო საწარმოს აქციონერის/პარტნიორის უფლებამოსილების განხორციელების ფარგლებში მიღებული გადაწყვეტილებისა, რომელიც საქართველოს საერთო სასამართლოში საჩივრდება.“.

2. მე-4 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. სააგენტოს ხელმძღვანელობს სააგენტოს თავმჯდომარე (შემდგომში − თავმჯდომარე), რომელსაც თანამდებობაზე ნიშნავს და თანამდებობიდან ათავისუფლებს საქართველოს ეკონომიკისა და მდგრადი განვითარების მინისტრი (შემდგომში − მინისტრი).“;

ბ) მე-3 პუნქტი ჩამოყალიბდეს შემდეგი რედაქციით:

„3. თავმჯდომარის მოადგილეებს თანამდებობაზე ნიშნავს და თანამდებობიდან ათავისუფლებს თავმჯდომარე.“.