„საჯარო სამართლის იურიდიული პირის – საქართველოს ევგენი ხარაძის ეროვნული ასტროფიზიკური ობსერვატორიის წესდების დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2019 წლის 20 ნოემბრის №227/ნ ბრძანებაში ცვლილების შეტანის თაობაზე

1. პირველი მუხლის მე-4 პუნქტი ჩამოყალიბდეს შემდეგი რედაქციით:

„4. ობსერვატორიის იურიდიული მისამართი არის დაბა აბასთუმანი, მთა ყანობილი და ქ. თბილისი, მ. კოსტავას ქ. №47/57.“.

2. მე-7 მუხლის მე-2 პუნქტის:

ა) „ბ“ ქვეპუნქტი ჩამოყალიბდეს შემდეგი რედაქციით:

„ბ) კანონმდებლობით დადგენილი მოთხოვნების შესაბამისად, აცხადებს კონკურსებს/მთავარი მეცნიერი თანამშრომლის ატესტაციას, განსაზღვრავს კონკურსის/მთავარი მეცნიერი თანამშრომლის ატესტაციის ჩატარების წესსა და პირობებს, აგრეთვე, სამეცნიერო თანამდებობებზე თანამშრომელთა შერჩევის მიზნით, სამეცნიერო საბჭოს წარდგინებით, ქმნის საკონკურსო კომისიებს.“;

ბ) „ი“ და „კ“ ქვეპუნქტები ჩამოყალიბდეს შემდეგი რედაქციით:

„ი) ამტკიცებს დაწესებულების ბიუჯეტს ობსერვატორიის სტრუქტურული ერთეულების ხელმძღვანელების წარდგინებით;

კ) წარუდგენს ობსერვატორიის ბიუჯეტის შესრულების ანგარიშს ობსერვატორიის სამეცნიერო საბჭოს;“.

3. მე-9 მუხლის მე-7 პუნქტი ჩამოყალიბდეს შემდეგი რედაქციით:

,,7. ატესტაციის შედეგი, რომლის თანახმად მთავარი მეცნიერი თანამშრომელი არ შეესაბამება დაკავებულ თანამდებობას, წარმოადგენს ამ თანამდებობიდან მისი გათავისუფლების საფუძველს.“.