„კომერციული ბანკებისათვის უძრავი ქონების შეფასების ინსტრუქციის დამტკიცების თაობაზე“ საქართველოს ეროვნული ბანკის პრეზიდენტის 2018 წლის 14 მაისის №84/04 ბრძანებაში ცვლილების შეტანის შესახებ

1. მე-2 მუხლის:

ა) „ვ“ ქვეპუნქტი ჩამოყალიბდეს შემდეგი რედაქციით:

„ვ) შემფასებლის დამხმარე − ამ მუხლის „დ“ და „ე“ ქვეპუნქტებში მითითებული შემფასებლის დამხმარე პირი, რომელსაც შეუძლია განახორციელოს შესაფასებელი უძრავი ქონების მხოლოდ ინსპექტირება იმ შემთხვევაში, თუ კრედიტის თანხა არ აღემატება 150,000 (ას ორმოცდაათი ათასი) ლარს ან მის ეკვივალენტს სხვა ვალუტაში. ამ ქვეპუნქტის მიზნებისთვის კრედიტის თანხაში გაითვალისწინება ერთსა და იმავე კომერციულ ბანკში ყველა იმ კრედიტის ჯამური ოდენობა, რომელიც უზრუნველყოფილია შესაფასებელი უძრავი ქონებით;“;

ბ) „ჟ“ ქვეპუნქტის შემდეგ დაემატოს შემდეგი შინაარსის „რ“ ქვეპუნქტი:

„რ) კრედიტი – მსესხებლის მიერ კომერციული ბანკის წინაშე ნაკისრი ნებისმიერი ფინანსური ვალდებულება, მათ შორის, ყველა ტიპის სესხი/კრედიტი, რომელიც მოიცავს ოვერდრაფტს, საკრედიტო ბარათს და სხვა მსგავსი ტიპის პროდუქტებს (ლიმიტების შესაბამისად), მიუხედავად საფინანსო პროდუქტის სახელწოდებისა, აგრეთვე, სასესხო ხასიათის გარესაბალანსო ვალდებულება და კომერციული ბანკის მიერ მსესხებლისთვის დამტკიცებული და მის მიერ აუთვისებელი გარესაბალანსო ვალდებულება, რომლის ათვისება-გამოყენებაც კომერციული ბანკის მხრიდან დამატებით სტანდარტული ტიპის განხილვასა და დამტკიცებას აღარ საჭიროებს.“.

2. მე-4 მუხლის მე-2 პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) იმ შემთხვევაში, თუ:

დ.ა) კრედიტის თანხა არ აღემატება 150,000 (ას ორმოცდაათი ათასი) ლარს ან მის ეკვივალენტს სხვა ვალუტაში, უძრავი ქონების ინსპექტირება შესაძლებელია განხორციელდეს კომერციული ბანკის უფლებამოსილი პირის მიერ. ამ ქვეპუნქტის მიზნებისთვის კრედიტის თანხაში გაითვალისწინება ერთსა და იმავე კომერციულ ბანკში ყველა იმ კრედიტის ჯამური ოდენობა, რომელიც უზრუნველყოფილია შესაფასებელი უძრავი ქონებით;

დ.ბ) კრედიტის თანხა აღემატება 150,000 (ას ორმოცდაათი ათასი) ლარს ან მის ეკვივალენტს სხვა ვალუტაში, უძრავი ქონების ინსპექტირება სავალდებულოა განხორციელდეს შესაბამისი უძრავი ქონების შეფასების მომზადებაზე პასუხისმგებელი შემფასებლის მიერ. ამ ქვეპუნქტის მიზნებისთვის კრედიტის თანხაში გაითვალისწინება ერთსა და იმავე კომერციულ ბანკში ყველა იმ კრედიტის ჯამური ოდენობა, რომელიც უზრუნველყოფილია შესაფასებელი უძრავი ქონებით. ამასთან, თუ უძრავი ქონების პირველადი შეფასების ფარგლებში უძრავი ქონების ინსპექტირება არ განხორციელებულა შემფასებლის მიერ, ამ ქვეპუნქტით გათვალისწინებული შემთხვევის დადგომისას, უნდა განხორციელდეს უძრავი ქონების გადაფასება და შემფასებლის მიერ უძრავი ქონების ინსპექტირება.“.