„აჟარის (ზემო აფხაზეთის) მუნიციპალიტეტის 2025 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ აჟარის (ზემო აფხაზეთის) მუნიციპალიტეტის საკრებულოს 2024 წლის 20 დეკემბრის №10 დადგენილებაში ცვლილებების შეტანის თაობაზე

ა) დადგენილებით დამტკიცებული წესის მე-8 მუხლის მე-3 პუნქტი ჩამოყალიბდეს შემდეგი რედაქციით:  

„3. ანაზღაურება მოხდება უნაღდო ანგარიშსწორების ფორმით ბანკში გახსნილ პირად ანგარიშზე ან/და შესაბამისი სამედიცინო დაწესებულების საბანკო ანგარიშზე“;

ბ) დადგენილებით დამტკიცებული წესის მე-12 მუხლის მე-2 პუნქტის „დ“ ქვეპუნქტი ჩამოყალიბდეს შემდეგი რედაქციით: 

„დ) ცნობა ან/და  მარჩენალდაკარგულის სტატუსის არსებობის დამადასტურებელი სხვა დოკუმენტი“;

გ) დადგენილებით დამტკიცებული წესის მე-13 მუხლის მე-2 პუნქტი „დ“ ქვეპუნქტი ამოღებულ იქნეს;

დ) დადგენილებით დამტკიცებული წესის 23-ე მუხლის მე-2 პუნქტს დაემატოს შემდეგი შინაარსის  „ბ¹“  ქვეპუნქტი:

„ბ¹) წარმომადგენლობის დამადასტურებელი დოკუმენტი (განცხადების წარმომადგენლის მიერ წარმოდგენის შემთხვევაში)“;

ე) დადგენილებით დამტკიცებული წესის 32-ე  მუხლი ჩამოყალიბდეს შემდეგი რედაქციით:

1. სოციალური დახმარების მიმღებ პირს (ბენეფიციარს) შეუძლია ერთჯერადად ისარგებლოს ამ წესის რამდენიმე მუხლით გათვალისწინებული სოციალური დახმარებით, აღნიშნული მუხლის მე-2 პუნქტის გამონაკლისის გათვალისწინებით.

2. დადგენილებით დამტკიცებული წესის მე-7 მუხლის მე-2 პუნქტის, მე-8 მუხლის პირველი პუნქტის „ბ“ ქვეპუნქტის და მე-9 მუხლებით გათვალისწინებული დახმარების მიმღებ პირებს (ბენეფიციარებს) შეუძლიათ ისარგებლონ შესაბამისი მუხლით გათვალისწინებული დახმარებით, წლის განმავლობაში  განსაზღვრული ოდენობის თანხის ამოწურვამდე.