„ლიცენზირების წესებისა და ენერგეტიკული საქმიანობის თაობაზე შეტყობინების წესის დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2020 წლის 27 მაისის N22 დადგენილებაში ცვლილების შეტანის თაობაზე“

ა) პირველი მუხლის მე-4 პუნქტი ჩამოყალიბდეს შემდეგი რედაქციით:

„4. ელექტროენერგეტიკული, ბუნებრივი გაზისა და წყალმომარაგების საქმიანობის წინასწარი ლიცენზიები, საჭიროების შემთხვევაში, უნდა გაიცეს „ინვესტიციების სახელმწიფო მხარდაჭერის შესახებ“ საქართველოს კანონის, მისგან გამომდინარე კანონქვემდებარე აქტებით გათვალისწინებული პირობებისა და ამ წესების შესაბამისად.“;

ბ) მე-4 მუხლის:

ბ.ა) „ვ“ ქვეპუნქტი ჩამოყალიბდეს შემდეგი რედაქციით:

„ვ) აწარმოებს ლიცენზიებისა და ლიცენზიატების, ასევე წინასწარი ლიცენზიებისა და მათი მფლობელების უწყებრივ რეესტრს;“;

ბ.ბ) „თ“ ქვეპუნქტი ჩამოყალიბდეს შემდეგი რედაქციით:

„თ) უზრუნველყოფს გაცემული, შეცვლილი, შეჩერებული ან გაუქმებული ლიცენზიების და ლიცენზიატების, ასევე წინასწარი ლიცენზიებისა და მათი მფლობელების შესახებ ინფორმაციის (მოქმედი ლიცენზიატების საკონტაქტო მონაცემების ჩათვლით) რეესტრის წარმოებასა და ვებგვერდზე გამოქვეყნებას;“;

გ) მე-18 მუხლის შემდეგ დაემატოს შემდეგი შინაარსის 18¹ მუხლი:

„მუხლი 18¹. წინასწარი ლიცენზიის გაცემა

1. წინასწარი ლიცენზიის გაცემის მიზნით კომისია იღებს გადაწყვეტილებას „ინვესტიციების სახელმწიფო მხარდაჭერის შესახებ“ საქართველოს კანონის შესაბამისად.

2. თუ კომისია დადგენილ ვადაში არ მიიღებს გადაწყვეტილებას წინასწარი ლიცენზიის გაცემის თაობაზე, წინასწარი ლიცენზია ჩაითვლება გაცემულად. ასეთ შემთხვევაში, განმცხადებელი უფლებამოსილია მოითხოვოს წინასწარი ლიცენზიის გაცემის დადასტურება, ხოლო კომისია ვალდებულია, დაუყოვნებლივ, წერილობით დაადასტუროს წინასწარი ლიცენზიის გაცემა. კომისიამ უნდა მიუთითოს:

ა) წინასწარი ლიცენზიის მფლობელის საიდენტიფიკაციო მონაცემები;

ბ) საქმიანობის სახე;

გ) წინასწარი ლიცენზიის მოქმედების ვადა, ასეთის არსებობის შემთხვევაში.

3. ამ მუხლის მე-2 პუნქტის შესაბამისად გაცემული წერილობითი დოკუმენტი წარმოადგენს წინასწარი ლიცენზიის ფლობის დამადასტურებელ საბუთს.

4. მას შემდეგ, რაც წინასწარი ლიცენზიის მფლობელი წარმოადგენს სალიცენზიო პირობების დაკმაყოფილების დამადასტურებელ დოკუმენტებს, კომისია მიიღებს გადაწყვეტილებას სალიცენზიო პირობების დაკმაყოფილების დადასტურების შესახებ. აღნიშნული გადაწყვეტილების მიღებისას გაიცემა სალიცენზიო მოწმობა.“;

დ) 24-ე მუხლის:

დ.ა) პირველი პუნქტის „ა“-„გ“ ქვეპუნქტები ჩამოყალიბდეს შემდეგი რედაქციით:

„ა) მონაცემები ლიცენზიატის/წინასწარი ლიცენზიის მფლობელის შესახებ: სსიპ ,,საჯარო რეესტრის ეროვნული სააგენტოს“ მეწარმეთა და არასამეწარმეო (არაკომერციული) იურიდიული პირების რეესტრში რეგისტრაციის თაობაზე მონაცემები – ინდივიდუალური მეწარმისათვის ან იურიდიული პირისათვის (სხვა ორგანიზაციული წარმონაქმნისათვის); სახელი, გვარი, საცხოვრებელი და სამუშაო ადგილების თაობაზე მონაცემები – ფიზიკური პირისათვის;

ბ) მონაცემები ლიცენზიატის/წინასწარი ლიცენზიის მფლობელის საფირმო სახელწოდების (სახელის, გვარის), ორგანიზაციულ-სამართლებრივი ფორმის, ადგილსამყოფლის შეცვლის ან რეორგანიზაციის შესახებ;

გ) ენერგეტიკული და წყალმომარაგების საქმიანობის განსახორციელებლად გაცემული ლიცენზიების სახეები და მათი მონაცემები, ლიცენზიის/წინასწარი ლიცენზიის გაცემის შესახებ მიღებული გადაწყვეტილების თარიღისა და ნომრის ჩათვლით;“;

დ.ბ) მე-3 პუნქტი ჩამოყალიბდეს შემდეგი რედაქციით:

„3. კომისიამ თავის ვებგვერდზე უნდა გამოაქვეყნოს ლიცენზიატთა და წინასწარი ლიცენზიის მფლობელთა სია ანბანური თანმიმდევრობით, სექტორების შესაბამისად, ინფორმაცია მათ მიერ განხორციელებული საქმიანობის შესახებ და საკონტაქტო ინფორმაცია.“;

დ.გ) მე-3 პუნქტის შემდეგ დაემატოს შემდეგი შინაარსის მე-4 პუნქტი:

„4. კომისიამ ლიცენზიატებისა და წინასწარი ლიცენზიის მფლობელების შესახებ უნდა აწარმოოს ორი დამოუკიდებელი უწყებრივი რეესტრი.“.