ზესტაფონის მუნიციპალიტეტის საკრებულოს 2024 წლის 29 თებერვლის N7 დადგენილებაში „ზესტაფონის მუნიციპალიტეტის ადმინისტრაციულ საზღვრებში ავტოსატრანსპორტო საშუალებების პარკირების რეგულირების წესის დამტკიცების შესახებ“ ცვლილების შეტანის შესახებ

„მუხლი  10¹

„10¹. ამკრძალავი ნიშნის „გაჩერება აკრძალულია“ ან „დგომა აკრძალულია“ მოთხოვნის დაუცველობა:

1. ზესტაფონის მუნიციპალიტეტის ადმინისტრაციულ საზღვრებში ამკრძალავი ნიშნის  „გაჩერება აკრძალულია“ ან „დგომა აკრძალულია“ მოთხოვნის დაუცველობა წარმოადგენს საქართველოს ადმინისტრაციულ სამართალდარღვევათა კოდექსის 125​​​-ე მუხლის მე-8, მე-8¹ და მე-9 ნაწილებით გათვალისწინებულ სამართალდარღვევას, რომელიც ექვემდებარება დაჯარიმებას, გარკვეულ შემთხვევაში კი სპეციალურ სადგომზე ავტომანქანის გადაყვანას.“

2. ამ მუხლის პირველი პუნქტით გათვალისწინებულ სამართალდარღვევაზე შესაბამისი ოქმის შევსებას ახორციელებს შპს „ზესტაფონის მუნიციპალური პარკირების საწარმოს“ წარმომადგენელი – პარკინგის ოპერატორი“.

3. შპს ,,ზესტაფონის მუნიციპალური პარკირების საწარმოს“ წარმომადგენელი – პარკინგის ოპერატორი ვალდებულია, საჭიროების შემთხვევაში ავტოსატრანსპორტო საშუალება გადაიყვანოს სპეციალურ დაცულ სადგომზე“.

4. შპს „ზესტაფონის მუნიციპალური პარკირების საწარმოს“ წარმომადგენელი – პარკინგის ოპერატორი ვალდებულია სპეციალურ ავტოსადგომზე გადაყვანისას ავტომანქანის დაზიანების შემთხვევაში აანაზღაუროს მიყენებული ზარალი.“.