„ქალაქ ფოთის მუნიციპალიტეტის საკრებულოს აპარატის დებულების დამტკიცების შესახებ“ ქალაქ ფოთის მუნიციპალიტეტის საკრებულოს 2016 წლის 27 ივლისის №13/25 დადგენილებაში ცვლილების შეტანის თაობაზე

1. დადგენილებით დამტკიცებული დებულების მე-12 მუხლის პირველი პუნქტი ჩამოყალიბდეს შემდეგი რედაქციით:

„1. მუნიციპალიტეტის საკრებულოს აპარატის მუშაობას ხელმძღვანელობს, ორგანიზებასა და კოორდინაციას უწევს ადმინისტრაციული ხელშეკრულებით დასაქმებული პირი – საკრებულოს აპარატის პირველადი სტრუქტურული ერთეულის ხელმძღვანელი – აპარატის უფროსი, რომელთანაც ადმინისტრაციულ ხელშეკრულებას აფორმებს საკრებულოს თავმჯდომარე. ადმინისტრაციული ხელშეკრულების გაფორმებისა და შეწყვეტის საკითხი განისაზღვრება „საჯარო სამსახურის შესახებ“ საქართველოს კანონის შესაბამისად.“.

2.დადგენილებით დამტკიცებული დებულების 12¹ მუხლი ჩამოყალიბდეს შემდეგი რედაქციით:  

„მუხლი 12^​1. მუნიციპალიტეტის საკრებულოს აპარატის უფროსის მოადგილე.

1. აპარატის უფროსის მოადგილე:

ა) ასრულებს აპარატის უფროსის მოვალეობას მისი არყოფნის პერიოდში;

ბ) საერთო ზედამხედველობას უწევს აპარატის სტრუქტურული ერთეულების ეფექტიან მუშაობას;

გ) აპარატის უფროსს წარუდგენს წინადადებებს აპარატის წინაშე მდგარ ამოცანათა დროულად და წარმატებით შესრულებასთან დაკავშირებით;

დ) აპარატის უფროსს წარუდგენს წინადადებებს აპარატის მუშაობის ორგანიზების, თანამშრომლების კვალიფიკაციის ამაღლების საჭიროებების თაობაზე;

ე) ასრულებს აპარატის უფროსისა და საკრებულოს თავმჯდომარის ცალკეულ დავალებებს.

2. ადმინისტრაციულ ხელშეკრულებით დასაქმებულ პირთან – საკრებულოს აპარატის პირველადი სტრუქტურული ერთეულის ხელმძღვანელის მოადგილესთან – აპარატის უფროსის მოადგილესთან,  ადმინისტრაციულ ხელშეკრულებას აფორმებს საკრებულოს თავმჯდომარე. ადმინისტრაციული ხელშეკრულების გაფორმებისა და შეწყვეტის საკითხი განისაზღვრება „საჯარო სამსახურის შესახებ“ საქართველოს კანონის შესაბამისად.“.

3. დადგენილებით დამტკიცებული დებულების მე-14 მუხლის პირველი პუნქტი  ჩამოყალიბდეს შემდეგი რედაქციით:  

„1. მუნიციპალიტეტის საკრებულოს აპარატის საჯარო მოსამსახურეების თანამდებობაზე დანიშვნის, განთავისუფლების,  ადმინისტრაციული და შრომითი ხელშეკრულების გაფორმების, შეწყვეტის საკითხი განისაზღვრება ,,საჯარო სამსახურის შესახებ“ საქართველოს კანონის შესაბამისად.“.