„განახლებადი წყაროებიდან ენერგიის წარმოებისა და გამოყენების მხარდაჭერის სქემისა და სიმძლავრის აუქციონის წესების დამტკიცების შესახებ“ საქართველოს მთავრობის 2022 წლის 7 დეკემბრის №556 დადგენილებაში ცვლილების შეტანის თაობაზე

1. მე-2 მუხლის პირველი პუნქტის „ფ“ ქვეპუნქტი ჩამოყალიბდეს შემდეგი რედაქციით:

„ფ) მარეგულირებელი ჰიდროელექტროსადგური – ამ დადგენილების მიზნებისთვის, მარეგულირებელ ჰიდროელექტროსადგურად მიიჩნევა საათობრივი, დღიური ან დღეზე მეტი რეგულირების ჰიდროელექტროსადგური, რომელიც შესაბამისი პერიოდით რეგულირებას უზრუნველყოფს მხოლოდ რეზერვუარის მეშვეობით.“.

2. მე-9 მუხლს დაემატოს შემდეგი შინაარსის მე-7 პუნქტი:

„7. თუ პროექტის განმახორციელებელი პირი უზრუნველყოფს განხორციელების ხელშეკრულებით განსაზღვრული სამშენებლო ან/და სამონტაჟო სამუშაოების არანაკლებ 20%-ისა და არაუმეტეს 80%-ის შესრულებას, ის უფლებამოსილია, მოითხოვოს მის მიერ წარდგენილი შესაბამისი სამშენებლო გარანტიის ოდენობის შემცირება, შესრულებული სამუშაოების წილის პროპორციულად. ერთი და იმავე სამშენებლო გარანტიის ოდენობის შემცირება შესაძლებელია, მოთხოვნილ იქნეს არაუმეტეს ოთხჯერ, ყოველი 20%-იანი პროგრესის მიღწევისას. ასეთ მოთხოვნას უნდა ერთოდეს უფლებამოსილი აუდიტორის/აუდიტორული ფირმის დასკვნა, რომლითაც დადასტურებული იქნება შესაბამისი ვალდებულებების შესრულება. თუ პროექტის განმახორციელებელი პირის მიერ წარდგენილი მოთხოვნა აკმაყოფილებს ამ პუნქტის მოთხოვნებს, საქართველოს მთავრობა განიხილავს სამშენებლო გარანტიის ოდენობის შემცირების საკითხს.“.