„საჯარო სამართლის იურიდიული პირის – საჯარო რეესტრის ეროვნული სააგენტოს დებულების დამტკიცების შესახებ“ საქართველოს იუსტიციის მინისტრის 2016 წლის 3 მაისის №134 ბრძანებაში ცვლილების შეტანის თაობაზე

1. მე-5 მუხლის პირველი პუნქტი ჩამოყალიბდეს შემდეგი რედაქციით:

„1. სააგენტო მასზე დაკისრებული ფუნქციების შესრულებას უზრუნველყოფს სტრუქტურული ქვედანაყოფების, მათში შემავალი სტრუქტურული ერთეულებისა და ტერიტორიული სამსახურების მეშვეობით. სააგენტოს სტრუქტურული ქვედანაყოფები და ტერიტორიული სამსახურები სააგენტოს პირველადი სტრუქტურული ერთეულებია.“.

2. მე-7 მუხლის მე-2 პუნქტს დაემატოს შემდეგი შინაარსის „ლ¹“ ქვეპუნქტი:

„ლ¹) საქართველოს კანონმდებლობის შესაბამისად სააგენტოს თანამშრომლებთან დებს ადმინისტრაციულ ხელშეკრულებებს;“.

3. მე-9 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. სააგენტოს სტრუქტურულ ქვედანაყოფს ხელმძღვანელობს უფროსი. მასთან ადმინისტრაციულ ხელშეკრულებას დებს სააგენტოს თავმჯდომარე.“;

ბ) მე-4 პუნქტი ჩამოყალიბდეს შემდეგი რედაქციით:

„4. სააგენტოს სტრუქტურული ქვედანაყოფის უფროსის მოადგილესთან ადმინისტრაციულ ხელშეკრულებას დებს სააგენტოს თავმჯდომარე. სააგენტოს სტრუქტურულ ქვედანაყოფში შემავალი სტრუქტურული ერთეულის უფროსის მოადგილეს თანამდებობაზე ნიშნავს და თანამდებობიდან ათავისუფლებს სააგენტოს თავმჯდომარე.“.

4. მე-10 მუხლის:

ა) პირველი და მე-2 პუნქტები ჩამოყალიბდეს შემდეგი რედაქციით:

„1. სააგენტოს ტერიტორიულ სამსახურს – რეგიონულ ოფისს ხელმძღვანელობს რეგიონული ოფისის უფროსი. მასთან ადმინისტრაციულ ხელშეკრულებას დებს სააგენტოს თავმჯდომარე.

2. რეგიონული ოფისის უფროსს შეიძლება ჰყავდეს მოადგილე. მასთან ადმინისტრაციულ ხელშეკრულებას დებს სააგენტოს თავმჯდომარე.“;

ბ) მე-4 პუნქტი ჩამოყალიბდეს შემდეგი რედაქციით:

„4. სააგენტოს ტერიტორიულ სამსახურს – ფილიალს ხელმძღვანელობს ფილიალის უფროსი ოპერატორი. მასთან ადმინისტრაციულ ხელშეკრულებას დებს სააგენტოს თავმჯდომარე.“.