შეთანხმება „საქართველოს მთავრობასა და მსოფლიო საფოსტო კავშირს შორის მსოფლიო საფოსტო კავშირის (UPU) რეგიონალური წარმომადგენლობის საქართველოში, ქ. თბილისში დაფუძნების შესახებ“

მსოფლიო საფოსტო კავშირი (შემდგომში „UPU“) – გაერთიანებული ერების ორგანიზაციის სპეციალიზებული სააგენტო, რომელსაც სათანადო წესით წარმოადგენს მისი საერთაშორისო ბიუროს გენერალური დირექტორი და რომლის შტაბ-ბინა განთავსებულია მისამართზე:   შვეიცარია, ბერნი 3015, Weltpoststrasse 4

მთავრობა და UPU ცალ-ცალკე შეიძლება ასევე მოხსენიებულ იქნენ როგორც „მხარე“, ან ერთობლივად - როგორც „მხარეები“.

პრეამბულა

ვინაიდან UPU-ს 2022-2025 წლების თანამშრომლობის განვითარების პოლიტიკის შესაბამისად, UPU-მ უნდა „უზრუნველყოს რეგიონალური მიდგომის უწყვეტობა, განვითარების რეგიონალური გეგმების საფუძველზე, რომლებიც შეთანხმებული და კოორდინირებული ჩარჩოს ფარგლებში ასახავს სფეროში UPU-ის მიერ განხორციელებულ ყველა საქმიანობას“;

ვინაიდან მთავრობასა და UPU-ს სურთ სფეროში თანამშრომლობის ისეთი მექანიზმების შემუშავება, რომლებიც წარმოაჩენს სფეროში UPU-ის წარმომადგენლობის ახალ სისტემას, და რომელთა მიზანია გაამყაროს რეგიონალური მიდგომა ქვეყნებთან, რეგიონალურ მოთამაშეებთან და სხვადასხვა დაინტერესებულ მხარეებთან საფოსტო სექტორში დაახლოების გზით; და

ვინაიდან მთავრობამ აცნობა UPU-ს თავისი მზადყოფნის შესახებ, უზრუნველყოს ამგვარი რეგიონალური წარმომადგენლობა ყველა აუცილებელი საშუალებით, როგორც ეს მითითებულია ქვემოთ;

ზემოაღნიშნულის გათვალისწინებით, მთავრობა და UPU თანხმდებიან შემდეგზე:

წინამდებარე შეთანხმება მოიცავს იმ ძირითად პირობებს , რომელთა მიხედვითაც UPU ითანამშრომლებს საქართველოს მთავრობასთან , დააფუძნებს თბილისში , საქართველო UPU-ის სუბ -რეგიონალურ ოფისს (შემდგომში „რეგიონალურ წარმომადგენლობას “), რომლის ფარგლებშიც განახორციელებს პროექტებს /პროგრამებს რეგიონის ქვეყნების მასშტაბით , საფოსტო სფეროს საჭიროებების მხარდასაჭერად .

მუხლი 2

1. მთავრობა , თავისი უფლებამოსილების ფარგლებში , მიიღებს ყველა აუცილებელ ზომას , რათა უზრუნველყოს პირობები რეგიონალური წარმომადგენლობის დასაფუძნებლად და ამ რეგიონალური წარმომადგენლობის ქონებისა და თანამშრომლების უსაფრთხოების უზრუნველსაყოფად და დასაცავად .

2. მთავრობა , თავისი უფლებამოსილების ფარგლებში , რეგიონალურ წარმომადგენლობას უზრუნველყოფს მისი ფუნქციონირებისთვის აუცილებელი აპარატურით , რომელიც მოიცავს , და არა მხოლოდ , მატერიალურ და ტექნიკურ საშუალებებს /საოფისე აპარატურას . მთავრობა , მის მიერ უფლებამოსილი ორგანოს მეშვეობით , აანაზღაურებს რეგიონალური წარმომადგენლობის ფუნქციონირებასთან დაკავშირებულ ხარჯებს , მათ შორის , და არა მხოლოდ , საოფისე შენობებთან და საშუალებებთან , აპარატურასთან , რეგიონალურ წარმომადგენლობაში დასაქმებული ადამიანების , გარდა UPU-ის სფეროს პროექტის ექსპერტის (შემდგომში „სფეროს ექსპერტი “) ხელფასთან და ელექტროენერგიის მიწოდებასთან , ინტერნეტკავშირის უზრუნველყოფასთან , საკომუნიკაციო საშუალებებისა და ობიექტების მოვლა -შენახვასთან დაკავშირებულ ანაზღაურებასა და სხვა ხარჯებს , წინამდებარე შეთანხმების I დანართში განსაზღვრული ტექნიკური სპეციფიკაციების ან ეკვივალენტური მახასიათებლების შესაბამისად .

 მუხლი 3

1. წინამდებარე შეთანხმების პირველი მუხლით გათვალისწინებული ფუნქციების შესასრულებლად , UPU დანიშნავს სფეროს ექსპერტს , რომელიც უხელმძღვანელებს რეგიონალურ წარმომადგენლობას და პასუხისმგებელი იქნება UPU-ის საერთაშორისო ბიუროს გენერალური დირექტორის მიერ მისთვის მიკუთვნებული რეგიონის ქვეყნებში ტექნიკურ დახმარებასთან დაკავშირებული საქმიანობის განხორციელებაზე . მთავრობა პასუხისმგებელი იქნება მდივნისა და კურიერის (შემდგომში „ადგილობრივი პერსონალი “) დანიშვნაზე რეგიონალური წარმომადგენლობის საქმიანობის ხელშეწყობის მიზნით .

2. UPU-მ , თავისი კომპეტენციის ფარგლებში , უნდა უზრუნველყოს სრულ განაკვეთზე მომუშავე სფეროს ექსპერტისთვის ხელფასისა და ნებისმიერი სხვა გასამრჯელოს ანაზღაურება .

3. ამასთან , მხარეები ადასტურებენ და თანხმდებიან , რომ მთავრობის მიერ გამოყოფილ ადგილობრივ პერსონალს არ უნდა ჰქონდეს რაიმე პარტნიორობა , ერთობლივი საწარმო UPU-სთან ერთად , ან არ უნდა იმყოფებოდეს UPU-სთან შრომით ან სამივლინებო ურთიერთობაში . ზემოაღნიშნულის მიუხედავად , ადგილობრივმა პერსონალმა უნდა იმოქმედოს სფეროს ექსპერტის ხელმძღვანელობითა და ზედამხედველობით ; შესაბამისად , მთავრობა მიიღებს ყველა აუცილებელ ზომას , რათა უზრუნველყოს აღნიშნული ადგილობრივი პერსონალის მიერ თავისი ფუნქციების შესრულება რეგიონალური წარმომადგენლობის ხელშეწყობისა და ექსკლუზიურად ამ უკანასკნელის ინტერესების დაცვის მიზნით , UPU-ის პრაქტიკისა და მოთხოვნების შესაბამისად .

მუხლი 4

1. მხარეები აცხადებენ , რომ „სპეციალიზებული სააგენტოების პრივილეგიებისა და იმუნიტეტების შესახებ “ 1947 წლის 21 ნოემბრის კონვენციით (შემდგომში „კონვენცია “) UPU-სთვის გათვალისწინებული პრივილეგიები და იმუნიტეტები , რომლებიც საქართველომ 2007 წლის 18 ივლისს გაავრცელა UPU-ის მიმართ , სრულად უნდა გავრცელდეს რეგიონალური წარმომადგენლობის მიმართაც .

2. კერძოდ , მთავრობა თანახმაა კონვენციით გათვალისწინებული პრივილეგიები და იმუნიტეტები გავრცელდეს რეგიონალურ წარმომადგენლობაზე (კონვენციის III მუხლის შესაბამისად ), UPU-ის წევრი ქვეყნების წარმომადგენლებზე (კონვენციის V მუხლის შესაბამისად ), სფეროს ექსპერტზე , რეგიონალურ წარმომადგენლობაში მივლენილ UPU-ის სხვა ოფიციალურ პირებზე (VI, VII და VIII მუხლების შესაბამისად ) და უზრუნველყოს ისინი იმაზე არანაკლებ ხელსაყრელი პირობებითა და შესაძლებლობებით , როგორითაც მთავრობა , როგორც წესი , უზრუნველყოფს საქართველოში წარმოდგენილ სხვა მთავრობათაშორის ორგანიზაციებსა და მათ პერსონალს .

3. წინამდებარე კონვენციის მიზნებისთვის , რეგიონალური წარმომადგენლობის შენობა წარმოადგენს UPU-ის შენობას კონვენციის III მუხლის მე -5 ნაწილის მნიშვნელობით . შესაბამისად , მთავრობამ უნდა უზრუნველყოს დაცვისა და უსაფრთხოების ისეთი ელემენტები , რომლებიც შეიძლება საჭირო გახდეს რეგიონალური წარმომადგენლობის ეფექტიანი ფუნქციონირებისთვის .

4. UPU-ის ოფიციალური პირები , რომლებიც რეგიონალურ წარმომადგენლობაში მივლენილნი არიან თავიანთი სამსახურეობრივი მოვალეობების შესასრულებლად , ასევე UPU-ის ოფიციალური პირები სხვა წევრი ქვეყნებიდან , ექსპერტები და UPU-ის საქმიანობასთან დაკავშირებით საქართველოში ჩასული სხვა პირები , სარგებლობენ სავიზო შეღავათებით სპეციალიზებული სააგენტოების პრივილეგიებისა და იმუნიტეტების შესახებ კონვენციის მიხედვით .

5. საქართველოს ვიზის მისაღებად განაცხადის შეტანის პროცედურების გათვალისწინებით და ამ შეთანხმებაში მითითებული პრივილეგიებისა და იმუნიტეტების შეუზღუდავად , ყველა პირს , რომელიც ასრულებს ფუნქციებს რეგიონალურ წარმომადგენლობასთან დაკავშირებით , აქვს საქართველოში /საქართველოდან დაუბრკოლებელი შესვლის /გასვლის , ასევე რეგიონალურ წარმომადგენლობასთან დაუბრკოლებელი წვდომის უფლება . ვიზები და შესვლის ნებართვები , საჭიროების შემთხვევაში , გაიცემა უფასოდ და შეძლებისდაგვარად სწრაფად . ეს პირობები ასევე ვრცელდება ამ მუხლის მე -2 პუნქტში მითითებულ პირებთან ერთად მცხოვრებ ან მათთან ვიზიტით მყოფ მეუღლეებზე და უშუალოდ მათ კმაყოფაზე მყოფ პირებზეც .

 მუხლი 5

1. წინამდებარე შეთანხმება იდება განუსაზღვრელი ვადით . წინამდებარე შეთანხმება , მისი ხელმოწერის შემდეგ , ძალაში შედის საქართველოს მიერ მისი ძალაში შესვლისათვის აუცილებელი შიდასახელმწიფოებრივი პროცედურების დასრულების თაობაზე მსოფლიო საფოსტო კავშირისათვის დიპლომატიური არხებით გაგზავნილი შეტყობინების მიღების თარიღიდან მომდევნო თვის პირველ დღეს .

2. წინამდებარე შეთანხმებაში ცვლილებების შეტანა შესაძლებელია მხოლოდ მხარეთა ორმხრივი წერილობითი თანხმობით , ნებისმიერი ასეთი ცვლილება დანართის სახით დაერთვის წინამდებარე შეთანხმებას და წარმოადგენს მის განუყოფელ ნაწილს . ამგვარი ცვლილებები ძალაში შევა ამ მუხლის პირველი პუნქტის შესაბამისად , ხოლო ნებისმიერი შესწორება , რომელიც შეეხება ექსკლუზიურად წინამდებარე შეთანხმების I დანართს , ძალაში შევა მხარეთა მიერ ხელმოწერის ბოლო დღეს .

3. თითოეულ მხარეს შეუძლია მოქმედება შეუწყვიტოს წინამდებარე შეთანხმებას მეორე მხარისთვის წერილობითი შეტყობინების გაგზავნის გზით და შეთანხმებას მოქმედება შეუწყდება ამგვარი შეტყობინების მიღებიდან ექვსი თვის შემდეგ . მოქმედების შეწყვეტის შესახებ შეტყობინების მიუხედავად , წინამდებარე შეთანხმება ძალაში დარჩება წინამდებარე შეთანხმების საფუძველზე ნაკისრი ყველა ვალდებულების სრულად შესრულებამდე ან შეწყვეტამდე , თუ მხარეები სხვაგვარად არ შეთანხმდებიან .

 მუხლი 6

1. UPU-ის ემბლემა , დროშა , სახელწოდება და ინიციალები გამოიყენება ექსკლუზიურად UPU-ის (რეგიონალური წარმომადგენლობის მიზნებისთვის ) და დაუშვებელია მისი გამოყენება მთავრობის ან მისი რომელიმე პარტნიორის ან ოფიციალური მიმწოდებლის მიერ , საერთაშორისო ბიუროს გენერალური დირექტორის წინასწარი წერილობითი თანხმობის გარეშე .

2. წინამდებარე შეთანხმების განმარტებასთან ან განხორციელებასთან დაკავშირებით მხარეთა შორის წარმოშობილი ნებისმიერი დავა გადაწყდება მხარეთა შორის კონსულტაციების და /ან მოლაპარაკებების გზით , დიპლომატიური არხების მეშვეობით .

ზემოაღნიშნულის დასტურად , მთავრობისა და UPU-ის სათანადო წესით უფლებამოსილი წარმომადგენლები ხელს აწერენ წინამდებარე შეთანხმებას , ორ ეგზემპლარად , ქართულ და ინგლისურ ენებზე , ყველა ტექსტი თანაბრად ავთენტურია . წინამდებარე შეთანხმების განმარტების ან განხორციელებისას რაიმე შეუსაბამობის შემთხვევაში , უპირატესობა მიენიჭება ტექსტს ინგლისურ ენაზე .

დანართი I - ტექნიკური სპეციფიკაციები

საქართველოს მთავრობა რეგიონალურ წარმომადგენლობას უზრუნველყოფს მატერიალური სამუშაო საშუალებებით , აღჭურვილობითა და მოქმედი ეროვნული კანონმდებლობით გათვალისწინებული ყველა აუცილებელი დახმარებით , მათ შორის , და არა მხოლოდ , ელექტრომომარაგებასთან , ინტერნეტკავშირთან , საკომუნიკაციო საშუალებებთან და შენობა -ნაგებობების ზოგად მოვლა -შენახვასთან დაკავშირებული ხარჯების დაფარვით .

ზემოაღნიშნულის გათვალისწინებით , და შეთანხმების დებულებათა შეუზღუდავად , UPU-ის შეთავაზებით , მთავრობის მიერ შეტანილი წვლილი უნდა წარმოადგენდეს ან იყოს ეკვივალენტური შემდეგის :

საოფისე შენობა

- სათანადოდ აღჭურვილი საოფისე ფართი სფეროს პროექტის ექსპერტისთვის ;

- სათანადოდ აღჭურვილი საოფისე ფართი რეგიონალური წარმომადგენლობის სამდივნოსთვის ;

- ოთახი რეგიონალური წარმომადგენლობის კუთვნილი დოკუმენტებისა და მასალების შესანახად ;

საოფისე აღჭურვილობა

- ორი კომპიუტერი , რომლებიც აკმაყოფილებს მინიმუმ შემდეგ სპეციფიკაციებს (ან ეკვივალენტურ მახასიათებლებს ):

- აპარატული უზრუნველყოფა :

- CPU: ორბირთვიანი პროცესორი (მინიმალური სერია : Intel i5 ან ანალოგიური სერია );

- ოპერატიული მეხსიერება : 8 გიგაბაიტი

- ტევადობა : 120 გიგაბაიტიანი მყარი დისკი (SSD);

- ქსელური ინტერფეისი : გიგაბიტ -ეზერნეტი (Ethernet);

- პროგრამული უზრუნველყოფა :

- ოპერაციული სისტემები : Windows 10, 32-ბიტიანი ან 64-ბიტიანი  ვერსია ;

  - NET Framework 4.6 ან უფრო ახალი ვერსია ;

  - Microsoft Office-ის  ლიცენზია ;

  - ინტერნეტ -ბრაუზერი ;

  - ანტივირუსული პროგრამა .

- პერიფერიული მოწყობილობები :

  - უწყვეტი კვების წყარო (UPS) (600VA);

  - მონიტორი

 ეკრანის რეზოლუცია : 1024X768,

- ზომა : 21.5 დუიმი

  - მაუსი ;

  - კლავიატურა .

- ერთი მრავალფუნქციური მოწყობილობა სკანერით , პრინტერითა და ფოტოფირგადასაღები აპარატით (ან მისი ეკვივალენტური მოწყობილობა );

- სათანადო ელექტრომომარაგება და უწყვეტი კვების წყარო ;

- WiFi და როუტერი მაღალსიჩქარიანი ინტერნეტით .

- ერთი ფიქსირებული ტელეფონი .

კომუნიკაციის საშუალებები

- საფოსტო მომსახურება რეგიონალური წარმომადგენლობის მიერ გაგზავნილი ყველა ტიპის ოფიციალური კორესპონდენციისთვის ;

- საფოსტო ყუთი რეგიონალური წარმომადგენლობისთვის .