„საქართველოს სამოქალაქო საჰაერო ხომალდების სახელმწიფო რეგისტრაციის წესის დამტკიცების შესახებ“ სსიპ – სამოქალაქო ავიაციის სააგენტოს დირექტორის 2013 წლის 11 ოქტომბრის №205 ბრძანებაში ცვლილების შეტანის შესახებ

1. მე-2 მუხლის „ს“ ქვეპუნქტი ჩამოყალიბდეს შემდეგი რედაქციით:

„ს) საჰაერო ხომალდის ექსპლუატანტი - ფიზიკური ან იურიდიული პირი, რომელიც საჰაერო ხომალდის ექსპლუატაციას ახორციელებს;“.

2. მე-3 მუხლის მე-3 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) სხ-ს აქვს EASA-ს მიერ გაცემული/აღიარებული ტიპის სერტიფიკატი, გარდა შვეულმფრენისთვის და 5700 კგ-ზე ნაკლები მაქსიმალური ასაფრენი მასის და არაუმეტეს 19 სერტიფიცირებული სამგზავრო ადგილის მქონე თვითმფრინავისთვის, რომლის ექსპლუატაცია ხორციელდება მხოლოდ საქართველოს სახელმწიფოს/ადგილობრივი თვითმმართველობის უშუალო დაკვეთით ისეთი სპეციალური ფრენების შესრულების მიზნით, როგორიცაა: სამხედრო-საპოლიციო, საბაჟო, საძებნ-სამაშველო, ხანძარსაწინააღმდეგო, სასაზღვრო-საკონტროლო, სანაპირო-დაცვითი, სასოფლო-სამეურნეო დანიშნულების და სეტყვის საწინააღმდეგო მიზნებისათვის  - ICAO-ს წევრი სახელმწიფოს მიერ გაცემული ტიპის სერტიფიკატი ან ეკვივალენტური საბუთი, რომელშიც აღწერილი იქნება საჰაერო ხომალდის საექსპლუატაციო-ტექნიკური მახასიათებლები და ინსტრუქციები;“.

3. მე-4 მუხლის პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ)  მომსახურების საფასურის გადახდის დამადასტურებელი დოკუმენტი საჭიროებისას;“.

4. მე-5 მუხლის პირველი და მე-2 პუნქტები ჩამოყალიბდეს შემდეგი რედაქციით:

1. სხ-ის მესაკუთრის, სერტიფიკატის მფლობელის ან მათი სახელის და/ან მისამართის შეცვლისას სააგენტოს წარედგინება შემდეგი საბუთები:

ა) განაცხადი (დანართი №3);

ბ) ამ წესის მე-4 მუხლის პირველი პუნქტის „გ“, „დ“, „ე“ , „ვ“ „მ“, „ლ“ და „კ“ ქვეპუნქტებით გათვალისწინებული საბუთები.

2. სხ-ის ამოსაცნობი ნიშნის შეცვლისას სხ-ის მესაკუთრის ან ექსპლუატანტის (მესაკუთრის მიერ მასზე მინიჭებული უფლების შემთხვევაში) მიერ სააგენტოს წარედგინება შემდეგი საბუთები:

ა) განაცხადი რეგისტრაციის სერტიფიკატში ცვლილების შეტანის თაობაზე (დანართი №3);

ბ) არსებული (გამოსაცვლელი) რეგისტრაციის სერტიფიკატი.

5. მე-6 მუხლის პირველი პუნქტის „გ“ ქვეპუნქტი ამოღებულ იქნეს.

6. მე-7 მუხლის მე-2 პუნქტი ჩამოყალიბდეს შემდეგი რედაქციით:

„2. სხ-ის რეგისტრაციის სერტიფიკატის დაკარგვის შემთხვევაში სხ-ის მესაკუთრის ან ექსპლუატანტის (მესაკუთრის მიერ მასზე მინიჭებული უფლების შემთხვევაში) მიერ სააგენტოს წარედგინება  განაცხადი (დანართი №3);“.