სამედიცინო საქმიანობის ლიცენზიის გაუქმების შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

სამედიცინო საქმიანობის ლიცენზიის გაუქმების შესახებ
დოკუმენტის ნომერი	REG 9 25 00000044
დოკუმენტის მიმღები	სსიპ სამედიცინო და ფარმაცევტული საქმიანობის რეგულირების სააგენტო
მიღების თარიღი	17/01/2025
დოკუმენტის ტიპი	ინდივიდუალური სამართლებრივი აქტი
გამოქვეყნების წყარო, თარიღი	ვებგვერდი, 05/02/2025
სარეგისტრაციო კოდი

PDF გადმოწერა

სამედიცინო საქმიანობის ლიცენზიის გაუქმების შესახებ

საქართველოს ზოგადი ადმინისტრაციული კოდექსის 61-ე მუხლის, საქართველოს კანონის ,,ლიცენზიებისა და ნებართვების შესახებ“ 22-ე მუხლის მე-6 პუნქტის და მე-7 პუნქტის „ა“ ქვეპუნქტის, საქართველოს შრომის, ჯანმრთელობისა და სოციალური დაცვის მინისტრის 2011 წლის 28 დეკემბრის N01-64/ნ ბრძანებით დამტკიცებული საჯარო სამართლის იურიდიული პირის – სამედიცინო და ფარმაცევტული საქმიანობის რეგულირების სააგენტოს დებულების მე-4 მუხლის „კ“ პუნქტის შესაბამისად, ვბრძანებ:

1. ძალადაკარგულად გამოცხადდეს სსიპ – სამედიცინო საქმიანობის სახელმწიფო რეგულირების სააგენტოს დირექტორის 2010 წლის 31 დეკემბრის N1056/ო ბრძანება, შესაბამისად ძალადაკარგულად გამოცხადდეს (გაუქმდეს) შპს კარდიოლოგიურ კლინიკა „გული-ზუგდიდიზე“ (ფაქტობრივი მისამართი: ქ. ზუგდიდი, გამსახურდიას ქუჩა N 30) გაცემული „სასწრაფო სამედიცინო დახმარების ლიცენზია“ (სალიცენზიო მოწმობა N001960).

2. დაევალოს სააგენტოს სამედიცინო საქმიანობის ლიცენზიებისა და აკრედიტაციის სამმართველოს ლიცენზიის გაუქმების შესახებ მონაცემები დადგენილი წესით შეიტანოს უწყებრივ სალიცენზიო რეესტრში.

3. ბრძანება შეიძლება გასაჩივრდეს მისი ჩაბარებიდან ერთი თვის ვადაში ქ. თბილისის საქალაქო სასამართლოს ადმინისტრაციულ საქმეთა კოლეგიაში( ქ. თბილისი, დავით აღმაშენებლის ხეივანი N64).

4. ბრძანება ძალაში შედის ხელის მოწერისთანავე.

საფუძველი: შპს ,,კარდიოლოგიური კლინიკა გულის'' (ს/კ 206048533) გენერალური დირექტორის, ანზორ მელიას განცხადებები: N17106, 13.01.2025წ; N9787, 13.01.2025წ; N21639, 14.01.2025წ.

სააგენტოს დირექტორის მოვალეობის

შემსრულებელი ლეილა ქოჩიაშვილი