„აღთაკლიის ტერიტორიული ორგანოს დამისამართების შესახებ“ გარდაბნის მუნიციპალიტეტის საკრებულოს 2012 წლის 23 აპრილის №52 განკარგულებაში ცვლილების შეტანის შესახებ

გარდაბნის მუნიციპალიტეტის საკრებულოს

განკარგულება №5

2025 წლის 31 იანვარი

ქ. გარდაბანი

„აღთაკლიის ტერიტორიული ორგანოს დამისამართების შესახებ“ გარდაბნის მუნიციპალიტეტის საკრებულოს 2012 წლის 23 აპრილის №52 განკარგულებაში ცვლილების შეტანის შესახებ

საქართველოს კანონის „საქართველოს ზოგადი ადმინისტრაციული კოდექსი“ 63-ე მუხლისა და სსიპ – საჯარო რეესტრის ეროვნული სააგენტოს 2025 წლის 16 იანვრის №8755 წერილის შესაბამისად, გარდაბნის მუნიციპალიტეტის საკრებულომ გადაწყვიტა:

მუხლი 1

შეტანილ იქნეს ცვლილება „აღთაკლიის ტერიტორიული ორგანოს დამისამართების შესახებ“ გარდაბნის მუნიციპალიტეტის საკრებულოს 2012 წლის 23 აპრილის №52 განკარგულების დანართში და გარდაბნის მუნიციპალიტეტის აღთაკლიის ადმინისტრაციულ ერთეულში, სოფელ აღთაკლიაში, არსებული ქუჩების ცვლილება და სახელწოდების არმქონე გეოგრაფიული ობიექტების სახელდება, არაბული ციფრების გამოყენებით, განხორციელდეს დანართი №1-ისა და დანართი №2-ის შესაბამისად.

მუხლი 2

განკარგულება რეაგირებისთვის გადაეგზავნოს გარდაბნის მუნიციპალიტეტის მერიას.

მუხლი 3

განკარგულება მიღებიდან 10 დღის ვადაში გადაეგზავნოს საქართველოს იუსტიციის სამინისტროს მმართველობის სფეროში მოქმედ საჯარო სამართლის იურდიულ პირს – სახელმწიფო სერვისების განვითარების სააგენტოს, საქართველოს შინაგან საქმეთა სამინისტროსა და საქართველოს ცენტრალურ საარჩევნო კომისიას, აგრეთვე საჯარო რეესტრის ეროვნულ სააგენტოს.

მუხლი 4

განკარგულება, მისი მიღებიდან 10 დღის ვადაში, გამოქვეყნდეს „საქართველოს საკანონმდებლო მაცნეს“ ვებგვერდზე.

მუხლი 5

განკარგულება ძალაშია ხელმოწერისთანავე.

მუხლი 6

განკარგულება შეიძლება გასაჩივრდეს რუსთავის რაიონულ სასამართლოში მისამართზე: ქ. რუსთავი, ბოსტანქალაქის ქუჩა № 6, საქართველოს ადმინისტრაციული საპროცესო კოდექსის 22-ე მუხლის მესამე ნაწილით დადგენილი წესით.

გარდაბნის მუნიციპალიტეტის საკრებულოს თავმჯდომარე                          მიხეილ გედეხაური