„ადრეული აღზრდისა და განათლების მომსახურების მიმწოდებელი ან/და სკოლამდელი აღზრდისა და განათლების მომსახურების მიმწოდებელი ან/და მხოლოდ სასკოლო მზაობის პროგრამის განმახორციელებელი დაწესებულების პერსონალის პროფესიული სტანდარტების დამტკიცების შესახებ“ ქედის მუნიციპალიტეტის საკრებულოს 2017 წლის 29 სექტემბრის №20 დადგენილებაში ცვლილების შეტანის შესახებ

1. დადგენილებით დამტკიცებული დანართის მე-4 მუხლის მე-2 პუნქტის „ი“ ქვეპუნქტი ჩამოყალიბდეს შემდეგი რედაქციით:

„ი) საგანმანათლებლო პროცესის წარმმართველი პერსონალი – აღმზრდელ-პედაგოგი, აღმზრდელი და სხვა პერსონალი, რომელიც საგანმანათლებლო პროცესის საჭიროებიდან გამომდინარე უზრუნველყოფს საგანმანათლებლო პროგრამის სპეციფიკურ, სიღრმისეულ განხორციელებას, ან მთლიანობაში უწევს დახმარებას საგანმანათლებლო პროცესს (მაგ.: აღმზრდელი, მუსიკის მასწავლებელი, რითმიკის მასწავლებელი, ცეკვის მასწავლებელი, ხატვის მასწავლებელი, ბიბლიოთეკარი და ა.შ.).“.

2. დადგენილებით დამტკიცებული დანართის მე-6 მუხლს დაემატოს შემდეგი შინაარსის 1¹ პუნქტი და ჩამოყალიბდეს შემდეგი რედაქციით:

„1¹. საგანმანათლებლო პროცესის წარმმართველი პერსონალი – აღმზრდელი:

ა) აქვს უმაღლესი ან/და პროფესიული განათლება;

ბ)  გავლილი აქვს გადამზადება საქართველოს განათლებისა და მეცნიერების სამინისტროს მიერ შემუშავებული აღმზრდელ-პედაგოგის პროფესიული განვითარების ტრენინგმოდულის მიხედვით.“.

3. დადგენილებით დამტკიცებული დანართის მე-6 მუხლის მე-2 და მე-3 პუნქტები ჩამოყალიბდეს შემდეგი რედაქციით:

„2. სააღმზრდელო პროცესის დამხმარე პერსონალი – აღმზრდელი-თანაშემწე:

ა) აქვს არანაკლებ საშუალო განათლება.

3.  საგანმანათლებლო პროცესის წარმმართველ სხვა პერსონალს აქვს:

ა) არანაკლებ პროფესიული ან მასთან გათანაბრებული არაფორმალური განათლება;

ბ)  გავლილი აქვს გადამზადება საქართველოს განათლებისა და მეცნიერების სამინისტროს მიერ შემუშავებული აღმზრდელ-პედაგოგის პროფესიული განვითარების ტრენინგმოდულის მიხედვით.“.

4. დადგენილებით დამტკიცებული დანართის მე-8 მუხლის პირველი პუნქტის „ბ“ ქვეპუნქტი ამოღებულ იქნეს.