„ნინოწმინდის მუნიციპალიტეტის ტერიტორიაზე რეგისტრირებული და ფაქტობრივად მცხოვრები მოსახლეობის 2025 წლის ჯანმრთელობის დაცვის და სოციალური დახმარების პროგრამისა და დახმარების გაცემის წესის დამტკიცების შესახებ“ ნინოწმინდის მუნიციპალიტეტის საკრებულოს 2024 წლის 23 დეკემბრის #16 დადგენილებაში ცვლილების შეტანის შესახებ

ა)  პირველი მუხლის „ზ“  ქვეპუნქტი ჩამოყალიბდეს შემდეგი რედაქციით:

„ზ) სოციალურად დაუცველი ოჯახების მონაცემთა ერთიან ბაზაში რეგისტრირებული პირები (0 - დან 65000 - ის ჩათვლით სარეიტინგო ქულების მქონე ოჯახები) და უსახლკარო ოჯახები, თუ სარეიტინგო ქულა არ აღემატება 100000 - ს.“;

ბ)  მე-8 მუხლის სათაური  ჩამოყალიბდეს შემდეგი რედაქციით:

„მუხლი 8. სოციალურად დაუცველი ოჯახების მონაცემთა ერთიან ბაზაში რეგისტრირებული პირების      ( 0 - დან 65 000 - ის  ჩათვლით  და 65000-დან  140 000-ის ჩათვლით  სარეიტინგო ქულების მქონე ოჯახები) სოციალური დაცვა და უსახლკარო ოჯახების ფინანსური დახმარება, რომელთა სარეიტინგო ქულა არ აღემატება 100 000-ს.“;

გ) დანართის მე-8 მუხლის მე-6 პუნქტი ჩამოყალიბდეს შემდეგი რედაქციით:

„6. უსახლკარო ოჯახებს, რომლებიც რეგისტრირებულნი არიან ნინოწმინდის მუნიციპალიტეტის ტერიტორიაზე და მათი სარეიტინგო ქულა არ აღემატება 100 000-ს, ნაქირავები ბინის ქირის ასანაზღაურებლად გაეწიოთ ყოველთვიური ფინანსური დახმარება 300 ლარის  ოდენობით. დახმარების თანხა გადაირიცხება გამქირავებლის პირად საბანკო ანგარიშზე, მომართვის თვის მომდევნო თვიდან.“;

დ) დანართის 23-ე მუხლის მე-11 პუნქტი ჩამოყალიბდეს შემდეგი რედაქციით:

„11. ამბულატორიული სამედიცინო მომსახურება/სტაციონალური მკურნალობა, დაფინანსდება სახელმწიფო დაზღვევის თანხის გადახდის შემდეგ დარჩენილი თანხის 50%-ით 100 001-მდე სარეიტინგო ქულებით, მაგრამ არაუმეტეს 300 (სამასი) ლარისა, ხოლო სარეიტინგო ქულების გარეშე სახელმწიფო დაზღვევის თანხის გადახდის შემდეგ,   დარჩენილი  თანხის 40%, მაგრამ არაუმეტეს 200 (ორასი) ლარისა, მხოლოდ 250 ლარზე მეტი თანხის გადახდის შემთხვევაში.“;

ე) დანართის 24-ე მუხლის სათაური ჩამოყალიბდეს შემდეგი რედაქციით:

„მუხლი 24. ონკოლოგიური დაავადებების (ავთვისებიანი სიმსივნე C00-დან C97-ის ჩათვლით) მქონე პაციენტების მკურნალობისათვის სამგზავრო ხარჯების დასაფინანსებლად დახმარება.“;

ვ) 24-ე მუხლის 1-ლი პუნქტი ჩამოყალიბდეს შემდეგი რედაქციით:

„1. ონკოლოგიური დაავადებების (ავთვისებიანი სიმსივნე) მქონე პაციენტებს, რომლებიც შესაბამის სამედიცინო დაწესებულებებში გადიან სათანადო მკურნალობას(სხვადასხვა სახის თერაპია), გაეწიოთ ფინანსური დახმარება 2 000 (ორი ათასი) ლარის ოდენობით, ხოლო პირებს, რომლებსაც არ ესაჭიროებათ რაიმე სახის თერაპია, მაგრამ წლის განმავლობაში ესაჭიროებათ გამოკვლევების ჩატარება, გაეწიოთ ერთჯერადი ფინანსური დახმარება 1 500(ათას ხუთასი) სარეიტინგო ქულების გარეშე.“.