„საქართველოს შინაგან საქმეთა სამინისტროს სახელმწიფო საქვეუწყებო დაწესებულება – საქართველოს სასაზღვრო პოლიციის სასწავლო ცენტრში (სამმართველო) სპეციალური პროფესიული გადამზადების ან/და კვალიფიკაციის ამაღლების კურსზე/პროგრამაზე ჩარიცხვის წესის დამტკიცების თაობაზე“ საქართველოს შინაგან საქმეთა მინისტრის 2024 წლის 8 ივლისის №53 ბრძანებაში ცვლილების შეტანის შესახებ

1. სათაური ჩამოყალიბდეს შემდეგი რედაქციით:

„საქართველოს შინაგან საქმეთა სამინისტროს სახელმწიფო საქვეუწყებო დაწესებულება – საქართველოს სასაზღვრო პოლიციის სასწავლო ცენტრში (მთავარი სამმართველო) სპეციალური პროფესიული გადამზადების ან/და კვალიფიკაციის ამაღლების კურსზე/პროგრამაზე ჩარიცხვის წესის დამტკიცების თაობაზე“.

2. პირველი მუხლი ჩამოყალიბდეს შემდეგი რედაქციით:

„მუხლი 1

დამტკიცდეს საქართველოს შინაგან საქმეთა სამინისტროს სახელმწიფო საქვეუწყებო დაწესებულება – საქართველოს სასაზღვრო პოლიციის სასწავლო ცენტრში (მთავარი სამმართველო) სპეციალური პროფესიული გადამზადების ან/და კვალიფიკაციის ამაღლების კურსზე/პროგრამაზე ჩარიცხვის წესი თანდართული რედაქციით.“.

3. ბრძანებით დამტკიცებული წესის:

ა) სათაური ჩამოყალიბდეს შემდეგი რედაქციით:

„საქართველოს შინაგან საქმეთა სამინისტროს სახელმწიფო საქვეუწყებო დაწესებულება – საქართველოს სასაზღვრო პოლიციის სასწავლო ცენტრში (მთავარი სამმართველო) სპეციალური პროფესიული გადამზადების ან/და კვალიფიკაციის ამაღლების კურსზე/პროგრამაზე ჩარიცხვის წესი“;

ბ) პირველი მუხლი ჩამოყალიბდეს შემდეგი რედაქციით:

„მუხლი 1. რეგულირების სფერო

საქართველოს შინაგან საქმეთა სამინისტროს სახელმწიფო საქვეუწყებო დაწესებულება – საქართველოს სასაზღვრო პოლიციის (შემდგომ – სასაზღვრო პოლიცია) სასწავლო ცენტრში (მთავარი სამმართველო) სპეციალური პროფესიული გადამზადების ან/და კვალიფიკაციის ამაღლების კურსზე/პროგრამაზე (შემდგომ – პროგრამა) ჩარიცხვის წესი ადგენს სასაზღვრო პოლიციის სასწავლო ცენტრში (მთავარი სამმართველო) სასაზღვრო პოლიციის მოსამსახურეთა ჩარიცხვის, მათ მიერ პროგრამების გავლისა და მათი შეფასების ძირითად პირობებსა და პროცედურებს.“;

გ) მე-3 მუხლის მე-2 და მე-3 პუნქტები ჩამოყალიბდეს შემდეგი რედაქციით:

„2. პროგრამას ამტკიცებს სასაზღვრო პოლიციის უფროსი, სასაზღვრო პოლიციის სასწავლო ცენტრის (მთავარი სამმართველო) წარდგინებით, ასევე, გამოსცემს შესაბამის ინდივიდუალურ ადმინისტრაციულ-სამართლებრივ აქტებს პროგრამის გავლასთან დაკავშირებული საკითხების დარეგულირების მიზნით.

3. სასაზღვრო პოლიციის მოსამსახურეთა პერიოდული გადამზადების გეგმას შეიმუშავებს სასაზღვრო პოლიციის სასწავლო ცენტრი (მთავარი სამმართველო) სასაზღვრო პოლიციის ადამიანური რესურსების მართვაზე პასუხისმგებელ სტრუქტურულ ერთეულთან და საქართველოს შინაგან საქმეთა სამინისტროს სხვა შესაბამის სტრუქტურულ ერთეულებთან კოორდინაციით.“;

დ) მე-4 მუხლი ჩამოყალიბდეს შემდეგი რედაქციით:

„მუხლი 4. პროგრამაზე ჩარიცხვა

1. პროგრამაზე ჩასარიცხ კანდიდატთა სიას, სასაზღვრო პოლიციის შესაბამისი სტრუქტურული ერთეულის მიმართვის საფუძველზე, ადგენს სასაზღვრო პოლიციის ადამიანური რესურსების მართვაზე პასუხისმგებელი სტრუქტურული ერთეული, სასაზღვრო პოლიციის სასწავლო ცენტრთან (მთავარი სამმართველო) კოორდინაციით.

2. ამ მუხლის პირველი პუნქტით განსაზღვრულ კანდიდატთა სიას, სასაზღვრო პოლიციის ადამიანური რესურსების მართვაზე პასუხისმგებელი სტრუქტურული ერთეული წარუდგენს სასაზღვრო პოლიციის სასწავლო ცენტრს (მთავარი სამმართველო).

3. პროგრამაზე ამ მუხლის მე-2 პუნქტით განსაზღვრულ კანდიდატთა სასაზღვრო პოლიციის სასწავლო ცენტრში (მთავარი სამმართველო) მსმენელებად ჩარიცხვა ხორციელდება სასაზღვრო პოლიციის უფროსის ბრძანებით.“;

ე) მე-5 მუხლის მე-3 პუნქტი ჩამოყალიბდეს შემდეგი რედაქციით:

„3. პროგრამის გავლისას სასაზღვრო პოლიციის მოსამსახურის შეფასების წესი და კრიტერიუმები განისაზღვრება სასაზღვრო პოლიციის უფროსის შესაბამისი ბრძანებით, რომელსაც დასამტკიცებლად წარუდგენს სასაზღვრო პოლიციის სასწავლო ცენტრი (მთავარი სამმართველო).“.