“დროებითი შრომისუუნარობის, ორსულობისა და მშობიარობის გამო დახმარების დანიშვნისა და გაცემის წესის დამტკიცების თაობაზე" საქართველოს შრომის, ჯანმრთელობისა და სოციალური დაცვის მინისტრის 2006 წლის 15 მარტის №85/ნ ბრძანებაში ცვლილების შეტანის შესახებ"

სახელმწიფო სარეგისტრაციო კოდი 280.070.120.22.035.008.451

საქართველოს შრომის, ჯანმრთელობისა და სოციალური დაცვის

მინისტრის ბრძანება №107/ნ

2006 წლის 11 აპრილი

ქ. თბილისი

,,დროებითი შრომისუუნარობის,  ორსულობისა და მშობიარობის გამო დახმარების დანიშვნისა და გაცემის წესის დამტკიცების თაობაზე“ საქართველოს შრომის, ჯანმრთელობისა და სოციალური დაცვის მინისტრის 2006 წლის 15 მარტის №85/ნ ბრძანებაში ცვლილების შეტანის შესახებ

,,ნორმატიული აქტების შესახებ“ საქართველოს კანონის 36-ე მუხლისა და საქართველოს ზოგადი ადმინისტრაციული კოდექსის 63-ე მუხლის საფუძველზე, ვბრძანებ:

1. ,,დროებითი შრომისუუნარობის,  ორსულობისა და მშობიარობის გამო დახმარების დანიშვნისა და გაცემის წესის დამტკიცების თაობაზე“ საქართველოს შრომის, ჯანმრთელობისა და სოციალური დაცვის მინისტრის 2006 წლის 15 მარტის №85/ნ ბრძანებით (სსმ III, 16.03.2006 წ., №34, მუხ. 406) დამტკიცებულ წესში შეტანილ იქნეს ცვლილება და მე-12 მუხლი ჩამოყალიბდეს შემდეგი რედაქციით:

,,მუხლი 12. გარდამავალი რეგულირება

1. საქართველოს სოციალური დაზღვევის ერთიანი სახელმწიფო ფონდის მიერ 2006 წლის 1 იანვრამდე პერიოდზე დროებითი შრომისუუნარობის გამო დახმარებაზე არსებული ვალდებულებები დაიფარება 2006 წლის 1 იანვრამდე არსებული წესითა და პირობებით, ხოლო 2006 წლის 1 იანვრიდან ვალდებულებების დაფარვა მოხდება ამ წესითა და პირობებით.

2. ორსულობისა და მშობიარობის გამო დახმარება, რომელიც წარმოშობილია 2006 წლის 1 იანვრამდე, მთლიანად ნაზღაურდება ძველი წესითა და პირობებით. იმ შემთხვევაში, თუ გართულებული ან ტყუპით მშრობიარობის შედეგად დამატებითი ვალდებულება წარმოიშვა 2006 წლის 1 იანვრამდე, მისი ანაზღაურება აგრეთვე მოხდება ამ წესის ამოქმედებამდე მოქმედი წესით. 2006 წლის 1 იანვრიდან ორსულობისა და მშორბიარობის გამო წარმოშობილი ნებისმიერი ვალდებულება უნდა ანაზღაურდეს ამ წესით დადგენილი ოდენობითა და პირობებით.“.

3. ეს ბრძანება ამოქმედდეს გამოქვეყნებისთანავე.

ლ. ჭიპაშვილი