დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | კურორტების შესახებ | |
|---|---|
| დოკუმენტის ნომერი | 15 |
| დოკუმენტის მიმღები | საქართველოს მთავრობა |
| მიღების თარიღი | 21/01/2025 |
| დოკუმენტის ტიპი | საქართველოს მთავრობის დადგენილება |
| გამოქვეყნების წყარო, თარიღი | ვებგვერდი, 22/01/2025 |
| სარეგისტრაციო კოდი | 460070000.10.003.024905 |
|
კურორტების შესახებ
|
| მუხლი 1 |
„ტურიზმის შესახებ“ საქართველოს კანონის 50-ე მუხლის პირველი პუნქტის „კ“ ქვეპუნქტის შესაბამისად, დადგენილება „კურორტების შესახებ“ აწესრიგებს საკურორტო საქმიანობის სფეროში არსებულ სამართლებრივ ურთიერთობებს, აგრეთვე განსაზღვრავს საქართველოს კურორტებისა და საკურორტო ადგილების ნუსხასა და სტატუსს.
|
| მუხლი 2 |
1. ამ დადგენილების მიზნებისთვის მასში გამოყენებულ ტერმინებს აქვს შემდეგი მნიშვნელობა:
ა) დაინტერესებული პირი – ნებისმიერი ფიზიკური ან იურიდიული პირი; ბ) სააგენტო – საქართველოს ეკონომიკისა და მდგრადი განვითარების სამინისტროს სისტემაში შემავალი საჯარო სამართლის იურიდიული პირი – კურორტების განვითარების სააგენტო; გ) სამინისტრო – საქართველოს ეკონომიკისა და მდგრადი განვითარების სამინისტრო. 2. ამ დადგენილებაში გამოყენებულ სხვა ტერმინებს აქვს „ტურიზმის შესახებ“ საქართველოს კანონით განსაზღვრული მნიშვნელობა. |
| მუხლი 3 |
1. საქართველოს საკურორტო რესურსები ეროვნული სიმდიდრეა და მას სახელმწიფო იცავს.
2. სახელმწიფო აღიარებს კურორტების დარგს ეროვნული კულტურისა და ეკონომიკის განვითარების ერთ-ერთ პრიორიტეტულ მიმართულებად და ქმნის საკურორტო საქმიანობისათვის ხელსაყრელ პირობებს. 3. სახელმწიფო ითვალისწინებს კურორტების განვითარების ინტერესებს ქვეყნისათვის უმნიშვნელოვანესი პროექტების განხორციელებისას.
|
| მუხლი 4 |
1. ტერიტორიისთვის კურორტის ან საკურორტო ადგილისთვის სტატუსის მინიჭების ან გაუქმების თაობაზე განცხადება დაინტერესებული პირის მიერ წარედგინება სააგენტოს. განცხადება უნდა შეიცავდეს დასაბუთებას, რომ ტერიტორია აკმაყოფილებს კურორტის ან საკურორტო ადგილების მიმართ ამ დადგენილებით ან/და საქართველოს კანონმდებლობით განსაზღვრულ მოთხოვნებს.
2. განცხადების მიღებიდან 30 სამუშაო დღის ვადაში სააგენტო ამოწმებს მის ამ მუხლის პირველი პუნქტით დადგენილ მოთხოვნებთან შესაბამისობას და იღებს გადაწყვეტილებას განცხადების წარმოებაში მიღების ან განუხილვევლად დატოვების თაობაზე. 3. განცხადების წარმოებაში მიღების შემთხვევაში, სააგენტო ტერიტორიისათვის კურორტის ან საკურორტო ადგილისთვის სტატუსის მინიჭების ან გაუქმების შესახებ განცხადებას დასკვნისათვის უგზავნის შესაბამის უწყებებს. უწყებებიდან დასკვნების მიღების შემდეგ, სააგენტო 2 კვირის ვადაში იღებს გადაწყვეტილებას კურორტის ან საკურორტო ადგილისთვის სტატუსის მინიჭების ან გაუქმების შესახებ ინიციირების ან კურორტის ან საკურორტო ადგილისთვის სტატუსის მინიჭების ან გაუქმების შესახებ ინიციირებაზე უარის თქმის თაობაზე. 4. სააგენტო უფლებამოსილია, საკუთარი ინიციატივით მიიღოს გადაწყვეტილება ამ მუხლით გათვალისწინებული კურორტის ან საკურორტო ადგილის სტატუსის მინიჭების ან გაუქმების შესახებ ინიციირების თაობაზე. ამ შემთხვევაში ამზადებს დასაბუთებულ დასკვნას და, საქართველოს მთავრობისათვის განსახილველად წარმოდგენის მიზნით, უგზავნის სამინისტროს. 5. სააგენტოს გადაწყვეტილება ტერიტორიისათვის კურორტის ან საკურორტო ადგილისთვის სტატუსის მინიჭების ან გაუქმების შესახებ ინიციირების თაობაზე, ან კურორტის ან საკურორტო ადგილისთვის სტატუსის მინიჭების ან გაუქმების შესახებ ინიციირებაზე უარის თქმის თაობაზე საჩივრდება საქართველოს კანონმდებლობით დადგენილი წესის შესაბამისად. 6. საქართველოს მთავრობისთვის განსახილველად წარმოდგენის მიზნით, სააგენტო კურორტის ან საკურორტო ადგილისთვის სტატუსის მინიჭების ან გაუქმების შესახებ ინიციირების თაობაზე გადაწყვეტილებას და უწყებების დასკვნებს უგზავნის სამინისტროს.
|
| მუხლი 5 |
1. საქართველოს კურორტების ნუსხა და მათი სტატუსი განისაზღვრება ამ დადგენილების №1 დანართით.
2. საქართველოს საკურორტო ადგილების ნუსხა და მათი სტატუსი განისაზღვრება ამ დადგენილების №2 დანართით. |
| მუხლი 6 |
1. კურორტების დარგში სახელმწიფო პოლიტიკის განმახორციელებელი ორგანოა სამინისტრო.
2. კურორტების დარგში სააგენტოს უფლებამოსილებები და ფუნქციებია: ა) კურორტებისა და საკურორტო ადგილების შესაბამისი გეოინფორმაციული რუკების მომზადება, მათ შორის, საკურორტო ადგილების რეესტრისა და ეკონომიკური მდგომარეობის, მონაცემთა ბაზის შექმნა და მათი განახლების სამუშაოთა ორგანიზება; ბ) კურორტებსა და საკურორტო ადგილებზე მაღალი რისკის პროფესიის პერსონალის მომზადებისა და გადამზადების ხელშეწყობა; გ) კურორტებისა და საკურორტო ადგილების განვითარების მიზნით რეკომენდაციების მომზადება; დ) კურორტებისა და საკურორტო ადგილების განვითარების მიზნით, საუკეთესო საერთაშორისო პრაქტიკის ხელშეწყობა; ე) კურორტებსა და საკურორტო ადგილებზე საზოგადოებრივი აქტივობების დაგეგმვა, ექსპერტების მოწვევა, პროფესიული საგანმანათლებლო დაწესებულებებისა და ტრენინგცენტრების შექმნის ხელშეწყობა; ვ) საკურორტო პოლიტიკის შემუშავების ხელშეწყობა; ზ) კურორტებსა და საკურორტო ადგილებში ადგილობრივი მოსახლეობის დასაქმების ხელშეწყობის მიზნით შესაბამის უწყებებთან თანამშრომლობა; თ) კურორტებსა და საკურორტო ადგილების განვითარების მიზნით, სახელმწიფო უწყებების (მათ შორის, საქართველოს ავტონომიური რესპუბლიკების ორგანოების), მუნიციპალიტეტის ორგანოების, კერძო სექტორისა და ადგილობრივი მოსახლეობის კოორდინაციისა და თანამშრომლობის ხელშეწყობა; ი) საზოგადოებასა და მასობრივი ინფორმაციის საშუალებებთან მჭიდრო ურთიერთობის უზრუნველყოფა; კ) კომპეტენციის ფარგლებში თანამშრომლობა ადგილობრივ და საერთაშორისო სამეცნიერო და არასამთავრობო ორგანიზაციებთან, დონორებთან ურთიერთობა, პროექტების შემუშავება და განხორციელება; ლ) კურორტების განვითარების სახელმწიფო კონცეფციის ძირითადი მიმართულებების შემუშავება და საქართველოს აღმასრულებელ ხელისუფლებაში წარმოდგენა, პროგრამების განხორციელება და მათი იმპლემენტაცია, საქართველოს კანონმდებლობით დადგენილი წესით; მ) კურორტების განვითარების მიზნით საინვესტიციო წინადადების შემუშავება, ასევე მცირე და საშუალო ინფრასტრუქტურული პროექტების განხორციელება; ნ) არსებული სამეცნიერო-პრაქტიკული პოტენციალის გამოყენებისა და განვითარების ხელშეწყობა; ო) ამ დადგენილებითა და სააგენტოს დებულების შესაბამისად განსაზღვრული ფუნქციების შესრულება. |
| მუხლი 7 |
ძალადაკარგულად გამოცხადდეს „საქართველოს კურორტების ნუსხისა და სტატუსის დამტკიცების შესახებ“ საქართველოს მთავრობის 2014 წლის 3 ივლისის №428 დადგენილება.
|
| მუხლი 8 |
დადგენილება ამოქმედდეს გამოქვეყნებისთანავე.
|
|
დანართი №1
|
საქართველოს კურორტების ნუსხა და სტატუსი
შენიშვნა: პნს – პერიფერიული ნერვული სისტემა ცნს – ცენტრალური ნერვული სისტემა
საკურორტო ზონები
I – დაბლობი საკურორტო ზონა (500 მ-მდე ზღვის დონიდან) I -1 სანაპირო ნოტიო სუბტროპიკული ქვეზონა I – 1 – ა აჭარის სანაპირო საკურორტო რაიონი I – 1- ბ კოლხეთის დაბლობის სანაპირო საკურორტო რაიონი I – 1 – გ აფხაზეთის სანაპირო საკურორტო რაიონი I – 2 დასავლეთ საქართველოს დაბლობი ნოტიო და ზომიერად ნოტიო ქვეზონა I – 2 – ა კოლხეთის დაბლობის საკურორტო რაიონი I – 2 – ბ აჭარის სანაპიროს მიმდებარე საკურორტო რაიონი I – 2 – გ აფხაზეთის სანაპიროს მიმდებარე საკურორტო რაიონი I – 3 აღმოსავლეთ საქართველოს დაბლობი, ზომიერად ნოტიო ქვეზონა (ალაზნის ველი) I – 4 აღმოსავლეთ საქართველოს დაბლობი, ზომიერად მშრალი ქვეზონა II – დაბალმთიანი საკურორტო ზონა (500 -1000 მ ზღვის დონიდან) II – 1 დასავლეთ საქართველოს დაბალმთიანი ზომიერად ნოტიო ქვეზონა II – 1 – ა აჭარის დაბალმთიანი საკურორტო რაიონი II – 1 – ბ კავკასიონის ქედის განშტოებების ზონაში დაბალმთიანი საკურორტო რაიონი II – 1 – გ კოლხეთის დაბლობის მიმდებარე დაბალმთიანი საკურორტო რაიონი II – 2 აღმოსავლეთ საქართველოს დაბალმთიანი ზომიერად მშრალი ქვეზონა II – 2 – ა თრიალეთის ქედის დასავლეთ ნაწილის დაბალმთიანი საკურორტო რაიონი II – 2 – ბ ქართლისა და ახალციხის ზეგანის დაბალმთიანი საკურორტო რაიონი II – 2 – გ თბილისის ზონის დაბალმთიანი საკურორტო რაიონი III – ქვედა სარტყლის შუამთიანეთის საკურორტო ზონა (1000 – 15000 ზღვის დონიდან) III – ა დასავლეთ საქართველოს კავკასიონის შუამთიანეთის საკურორტო ზონა III – ბ აღმოსავლეთ საქართველოს კავკასიონის შუამთიანეთის საკურორტო ზონა III – გ თრიალეთის, მესხეთისა და ლიხის ქედების ჩრდილო-დასავლეთის ფერდობების შუამთიანეთის საკურორტო ზონა III – დ თრიალეთის ქედის ცენტრალური და აღმოსავლეთ ნაწილის შუამთიანეთის საკურორტო ზონა III – ე სამხრეთ საქართველოს მთიანეთის შუამთიანეთის პლატო IV – ზემო სარტყლის შუამთიანეთის საკურორტო ზონა (1500 – 2000 მ ზღვის დონიდან) IV – ა დასავლეთ საქართველოს შუამთიანეთის საკურორტო რაიონი IV – ბ აღმოსავლეთ საქართველოს შუამთიანეთის საკურორტო რაიონი IV – გ სამხრეთ საქართველოს მთიანეთის შუამთიანეთის საკურორტო რაიონი.
დანართი №2 საქართველოს საკურორტო ადგილების ნუსხა და სტატუსი
შენიშვნა: კ- კლიმატური ბ- ბალნეოლოგიური კ/ბ-კლიმატო-ბალნეოლოგიური ბ/კ- ბალნეო-კლიმატური პნს- პერიფერიური ნერვული სისტემა ცნს – ცენტრალური ნერვული სისტემა
საკურორტო ზონები
I – დაბლობი საკურორტო ზონა (500 მ-მდე ზღვის დონიდან) I -1 სანაპირო ნოტიო სუბტროპიკული ქვეზონა I – 1 – ა აჭარის სანაპირო საკურორტო რაიონი I – 1- ბ კოლხეთის დაბლობის სანაპირო საკურორტო რაიონი I – 1 – გ აფხაზეთის სანაპირო საკურორტო რაიონი I – 2 დასავლეთ საქართველოს დაბლობი ნოტიო და ზომიერად ნოტიო ქვეზონა I – 2 – ა კოლხეთის დაბლობის საკურორტო რაიონი I – 2 – ბ აჭარის სანაპიროს მიმდებარე საკურორტო რაიონი I – 2 – გ აფხაზეთის სანაპიროს მიმდებარე საკურორტო რაიონი I – 3 აღმოსავლეთ საქართველოს დაბლობი, ზომიერად ნოტიო ქვეზონა (ალაზნის ველი) I – 4 აღმოსავლეთ საქართველოს დაბლობი, ზომიერად მშრალი ქვეზონა II – დაბალმთიანი საკურორტო ზონა (500 -1000 მ ზღვის დონიდან) II – 1 დასავლეთ საქართველოს დაბალმთიანი ზომიერად ნოტიო ქვეზონა II – 1 – ა აჭარის დაბალმთიანი საკურორტო რაიონი II – 1 – ბ კავკასიონის ქედის განშტოებების ზონაში დაბალმთიანი საკურორტო რაიონი II – 1 – გ კოლხეთის დაბლობის მიმდებარე დაბალმთიანი საკურორტო რაიონი II – 2 აღმოსავლეთ საქართველოს დაბალმთიანი ზომიერად მშრალი ქვეზონა II – 2 – ა თრიალეთის ქედის დასავლეთ ნაწილის დაბალმთიანი საკურორტო ზონა II – 2 – ბ ქართლისა და ახალციხის ზეგანის დაბალმთიანი საკურორტო რაიონი II – 2 – გ თბილისის ზონის დაბალმთიანი საკურორტო რაიონი III – ქვედა სარტყლის შუამთიანეთის საკურორტო ზონა (1000 – 15000 ზღვის დონიდან) III – ა დასავლეთ საქართველოს კავკასიონის შუამთიანეთის საკურორტო ზონა III – ბ აღმოსავლეთ საქართველოს კავკასიონის შუამთიანეთის საკურორტო ზონა III – გ თრიალეთის, მესხეთისა და ლიხის ქედების ჩრდილო-დასავლეთის ფერდობების შუამთიანეთის საკურორტო ზონა III – დ თრიალეთის ქედის ცენტრალური და აღმოსავლეთ ნაწილის შუამთიანეთის საკურორტო ზონა III – ე სამხრეთ საქართველოს მთიანეთის შუამთიანეთის პლატო IV – ზემო სარტყლის შუამთიანეთის საკურორტო ზონა (1500 – 2000 მ ზღვის დონიდან) IV – ა დასავლეთ საქართველოს შუამთიანეთის საკურორტო რაიონი IV – ბ აღმოსავლეთ საქართველოს შუამთიანეთის საკურორტო რაიონი IV – გ სამხრეთ საქართველოს მთიანეთის შუამთიანეთის საკურორტო რაიონი. |
დოკუმენტის კომენტარები