საქართველოს ცენტრალური საარჩევნო კომისიის აპარატის თანამშრომელთა შესარჩევი კონკურსის დებულების დამტკიცების შესახებ” საქართველოს ცენტრალური საარჩევნო კომისიის 2017 წლის 27 ივნისის №14/2017 დადგენილებაში ცვლილებების შეტანის შესახებ

1. მე-4 მუხლი ჩამოყალიბდეს შემდეგი რედაქციით:

„მუხლი 4. საკონკურსო კომისია და საკონკურსო კომისიის თავმჯდომარე

1. კონკურსის (ღია კონკურსი, დახურული კონკურსი ან შიდა კონკურსი) ჩატარების უზრუნველსაყოფად ცესკოს თავმჯდომარის ბრძანებით იქმნება შესაბამისი საკონკურსო კომისია საკონკურსო კომისიის თავმჯდომარის წარდგინების საფუძველზე.

2. საკონკურსო კომისიის თავმჯდომარე არის ცესკოს აპარატის უფროსი.“.

2. მე-5 მუხლი ჩამოყალიბდეს შემდეგი რედაქციით:

„მუხლი 5. კომისიის შემადგენლობა

1. კომისიის წევრთა რაოდენობასა და შემადგენლობას განსაზღვრავს კომისიის თავმჯდომარე აუცილებელი საჭიროების გათვალისწინებით, ვაკანტური თანამდებობის სპეციფიკიდან გამომდინარე, რომელიც წარედგინება ცესკოს თავმჯდომარეს.

2. კომისიის შემადგენლობაში ცესკოს თავმჯდომარის მოადგილე და ცესკოს მდივანი, ცესკოს ადამიანური რესურსების მართვისა და შრომის უსაფრთხოების დეპარტამენტის წარმომადგენელი, იურიდიული დეპარტამენტის წარმომადგენელი, ცესკოს იმ სტრუქტურული ერთეულის მაღალი რანგის წარმომადგენელი, რომელშიც არის შესაბამისი ვაკანტური თანამდებობა და დამოუკიდებელი მოწვეული სპეციალისტი ან/და შესაბამისი დარგის სპეციალისტი, რომელიც სამსახურებრივად დაკავშირებული არ არის ცესკოსთან.

3. კომისიის თავმჯდომარე ამ კომისიის წევრთაგან განსაზღვრავს თავმჯდომარის მოადგილეს, რომელიც კომისიის თავმჯდომარის არყოფნის შემთხვევაში ცვლის მას.

4. კანდიდატი არ შეიძლება იყოს იმ კომისიის წევრი, რომელმაც უნდა მოახდინოს მისი შერჩევა.“.