„საქართველოს შინაგან საქმეთა სამინისტროს სისტემის სამხედრო ან სპეციალური წოდების მქონე მოსამსახურეების მიერ დამატებითი ანაზღაურების (სახელფასო დანამატის) მისაღებად დასაკმაყოფილებელი კრიტერიუმების და სავალდებულო სამხედრო სამსახურის მოსამსახურეთა ფულადი სარგოს განსაზღვრის წესის დამტკიცების შესახებ“ საქართველოს შინაგან საქმეთა მინისტრის 2018 წლის 26 იანვრის №4 ბრძანებაში ცვლილების შეტანის თაობაზე

1. პირველი მუხლი ჩამოყალიბდეს შემდეგი რედაქციით:

„მუხლი 1

1. განისაზღვროს საქართველოს შინაგან საქმეთა სამინისტროს (შემდგომში – სამინისტრო) სისტემის სპეციალური წოდების მქონე მოსამსახურეთა (გარდა სამინისტროს მმართველობის სფეროში შემავალი სახელმწიფო საქვეუწყებო დაწესებულება – საქართველოს სასაზღვრო  პოლიციისა) წოდებრივი სარგოს ყოველთვიური განაკვეთი თანდართული დანართის შესაბამისად (დანართი №1);

2. განისაზღვროს სამინისტროს მმართველობის სფეროში შემავალ სახელმწიფო საქვეუწყებო დაწესებულებაში – საქართველოს სასაზღვრო პოლიციაში (შემდგომში – სასაზღვრო პოლიცია) სპეციალური წოდების მქონე მოსამსახურეთა წოდებრივი სარგოს ყოველთვიური განაკვეთი თანდართული დანართის შესაბამისად (დანართი №2).“.

2. მე-5 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. დაუწესდეს სპეციალური წოდების მქონე მოსამსახურეს (გარდა სასაზღვრო პოლიციისა) სამხედრო ან სპეციალური წოდებით ნამსახურები კალენდარული წლების მიხედვით ფულად სარგოზე (თანამდებობრივი და წოდებრივი სარგოები) ყოველთვიური პროცენტული (წელთა ნამსახურობის) დანამატი შემდეგი ოდენობით:

ა) 1-დან 2 წლამდე  – 5%;

ბ) 2-დან 5 წლამდე – 10%;

გ) 5-დან 10 წლამდე – 15%;

დ) 10 წელი და მეტი – 20%.“;

ბ) მე-3 პუნქტი ჩამოყალიბდეს შემდეგი რედაქციით:

„3. საჯარო მოხელესა და საჯარო სამართლის იურიდიული პირის მოსამსახურე – სამოქალაქო პირს, რომელსაც უკავია შტატით გათვალისწინებული თანამდებობა და არ გააჩნია წოდება, სახელმწიფო სპეციალური წოდების მინიჭების შემთხვევაში, ყოველთვიური პროცენტული (წელთა ნამსახურობის) დანამატის დაანგარიშებისას, განსაკუთრებულ შემთხვევებში მინისტრის თანხმობით, ნამსახურობაში ჩაეთვლება სამინისტროს სისტემაში წოდების გარეშე მუშაობის პერიოდი.“.

3. დაემატოს შემდეგი შინაარსის მე-8 მუხლი:

„მუხლი 8

ამ ბრძანების მე-3 მუხლის მე-4 პუნქტის „ბ“ ქვეპუნქტისა და ამავე ბრძანების მე-4 მუხლის მოქმედება გავრცელდეს 2025 წლის 1 იანვრამდე საქართველოს შინაგან საქმეთა სამინისტროს სისტემაში წვევამდელთა ეროვნულ სამხედრო სამსახურის გასავლელად დანიშნულ/ჩარიცხულ პირზე.“.

4. დანართი №1 ჩამოყალიბდეს თანდართული რედაქციით:

„დანართი №1

სამინისტროს მოსამსახურეთა (გარდა სასაზღვრო პოლიციისა)  წოდებრივი სარგოს ყოველთვიური განაკვეთები

“