„საჯარო სამართლის იურიდიული პირის - სახელმწიფო სამხედრო სამეცნიერო-ტექნიკურ ცენტრ „დელტას“ დებულების დამტკიცების შესახებ“ საქართველოს თავდაცვის მინისტრის 2024 წლის 4 ოქტომბრის N85 ბრძანებაში ცვლილების შეტანის თაობაზე

1. მე-4 მუხლის მე-5 პუნქტი ჩამოყალიბდეს შემდეგი რედაქციით:

„5. გენერალურ დირექტორს ჰყავს პირველი მოადგილე/მოადგილეები, მოადგილე – მთავარი ინჟინერი და მოადგილე-ადმინისტრაციის უფროსი, რომელთა რაოდენობა განისაზღვრება საშტატო ნუსხით.

2. მე-7 მუხლის პირველი პუნქტის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) ადმინისტრაცია:

ა.ა) ადამიანური რესურსების მართვის სამსახური;

ა.ბ) იურიდიული სამსახური;

ა.გ) საორგანიზაციო სამსახური;“;

ბ) „ბ“ ქვეპუნქტი ჩამოყალიბდეს შემდეგი რედაქციით:

„ბ) საინფორმაციო ტექნოლოგიების სამსახური;“;

გ) „ე“ ქვეპუნქტი ამოღებულ იქნეს;

დ) „მ“ ქვეპუნქტი ჩამოყალიბდეს შემდეგი რედაქციით:

„მ) შრომის უსაფრთხოების სამსახური;“;

ე) „ჟ“ ქვეპუნქტი ამოღებულ იქნეს;

ვ) „ფ“ ქვეპუნქტის შემდეგ დაემატოს შემდეგი შინაარსის „ქ“ ქვეპუნქტი:

„ქ) VI საწარმო.”.

3. მე-8 მუხლის:

ა) პირველი პუნქტის:

ა.ა) „გ“  ქვეპუნქტი ჩამოყალიბდეს შემდეგი რედაქციით:

„გ) ცენტრის ადამიანური რესურსების მართვის პოლიტიკის განსაზღვრა და შემუშავება;“;

ა.ბ) „გ“ ქვეპუნქტის შემდეგ დაემატოს შემდეგი შინაარსის „გ¹“ და ,,გ²“ ქვეპუნქტები:

„გ¹) ცენტრის საქმისწარმოების უზრუნველყოფა და არქივის მართვა;

გ²) სამართალშემოქმედებითი საქმიანობა, შესაბამისი სამართლებრივი აქტების პროექტების შემუშავება და  სასამართლო დავებზე ცენტრის წარმომადგენლობის უზრუნველყოფა;“;

ა.გ) „ვ“ ქვეპუნქტი ჩამოყალიბდეს შემდეგი რედაქციით:

„ვ) ცენტრის მიერ ორგანიზებული ღონისძიებების დაგეგმვა და განხორციელება;“;

ა.დ) „ზ“ ქვეპუნქტის შემდეგ დაემატოს შემდეგი შინაარსის „ზ¹“ ქვეპუნქტი:

„ზ¹) ცენტრის მოსამსახურეთა საზღვარგარეთ სამსახურებრივი მივლინების, ვიზიტების დაგეგმვა, ორგანიზება და ვიზებით უზრუნველყოფა;“;

ბ) მე-2 - მე-4 პუნქტები ჩამოყალიბდეს შემდეგი რედაქციით:

„2. ადამიანური რესურსების მართვის სამსახურის ამოცანები და ფუნქციებია:

ა) ადამიანური რესურსების პოლიტიკის მიმართულებების განსაზღვრა და შემუშავება;

ბ) ადამიანური რესურსების მართვა და ადმინისტრირება;

გ) სათანადო კვალიფიკაციის მქონე ადამიანური რესურსების მოზიდვა, მათი პროფესიული განვითარებისა და შენარჩუნების ხელშეწყობა;

დ) ცენტრის ორგანიზაციული განვითარების მხარდაჭერა;

ე) ცენტრის მოსამსახურეთა დანიშვნის, სამსახურებრივი გადაადგილების (გადაყვანის), გათავისუფლების, წახალისების და დისციპლინური პასუხისმგებლობის გამოყენების, შვებულებისა და მივლინების შესახებ ბრძანებების პროექტების მომზადება;

ვ)  ცენტრის მოსამსახურეთა პირადი საქმეების შედგენა და წარმოება;

ზ) მოსამსახურეთა პროფესიულ მომზადებასთან/გადამზადებასთან  დაკავშირებული წინადადებების შემუშავება და ორგანიზაციული საკითხების უზრუნველყოფა/განხორციელება;

თ) სამუშაო აღწერილობების, საკვალიფიკაციო მოთხოვნების მომზადება/განახლება, მოსამსახურეთა სამსახურებრივი მოვალეობებისა და სამუშაოს შესრულების შეფასების კრიტერიუმების დადგენა;

ი) მოსამსახურეთა სტაბილურობის, მოძრაობის და დენადობის თაობაზე სტატისტიკური მონაცემების შემუშავება, პერიოდული ანალიზი და შეფასება;

კ) სტაჟირებასთან და პრაქტიკის გავლასთან დაკავშირებული საკითხების კოორდინაცია/უზრუნველყოფა;

ლ) „პერსონალურ მონაცემთა დაცვის შესახებ“ საქართველოს კანონით გათვალისწინებულ ღონისძიებათა განხორციელება;

მ) კანონმდებლობით გათვალისწინებული შესაბამისი უფლებამოსილებებისა და ცენტრის ხელმძღვანელობის შესაბამისი დავალებების განხორციელება.

3. საორგანიზაციო სამსახურის ამოცანები და ფუნქციებია:

ა) ცენტრის მიერ ორგანიზებული ღონისძიებების დაგეგმვა და განხორციელება;

ბ) მოსამსახურეთა საზღვარგარეთ სამსახურებრივი მივლინების, ვიზიტების დაგეგმვა, ორგანიზება და ვიზებით უზრუნველყოფა;

გ) დოკუმენტბრუნვის მოწესრიგება და საქმისწარმოების ერთიანი წესის დამკვიდრება;

დ) საქმისწარმოების საკითხებზე ნორმატიული და მეთოდური დოკუმენტების პროექტებისა და წინადადებების შემუშავება/დანერგვა;

ე) ერთიანი საქმისწარმოების (საიდუმლო/არასაიდუმლო) უზრუნველყოფა და არქივის მართვა;

ვ) ცენტრის სახელზე შემოსული და ცენტრიდან გასული კორესპოდენციის (სადუმლო/არასაიდუმლო) მიღება, დამუშავება, რეგისტრაცია, სისტემატიზაცია და დროულად მიწოდება ადრესატისათვის;

ზ) ხელმოსაწერად წარსადგენი/გასაგზავნი დოკუმენტების გაფორმების სისწორის კონტროლი;

თ) საქმეთა ნომენკლატურის (საიდუმლო/არასაიდუმლო) შემუშავება;

ი) საქმეთა შენახვისა და ჩამოწერის ორგანიზება;

კ) მოთხოვნის შემთხვევაში დაცული დოკუმენტების მოძიება, გაცნობის უზრუნველყოფა. ასლის დამზადება და გაცემა კანონმდებლობით დადგენილი წესით;

ლ) წარმოებადასრულებული საქმეების მიღება, აღრიცხვა და შენახვა კანონმდებლობით დადგენილი წესით;

მ) კანონმდებლობით გათვალისწინებული შესაბამისი უფლებამოსილებებისა და ცენტრის ხელმძღვანელობის შესაბამისი დავალებების განხორციელება.

4.  იურიდიული სამსახურის ამოცანები და ფუნქციებია:

ა) კომპეტენციის ფარგლებში ცენტრის სამართლებრივი უზრუნველყოფა;

ბ) სამართლებრივი აქტების პროექტების მომზადება, მოქმედი კანონმდებლობის შესაბამისად;

გ) საჭიროების შემთხვევაში, ცენტრში მომზადებული სამართლებრივი აქტების/პროექტების სამართლებრივი ექსპერტიზა და შესაბამისი დასკვნების მომზადება;

დ) სამართალშემოქმედებითი საქმიანობა და მასთან დაკავშირებული სამუშაოების ორგანიზება/უზრუნველყოფა/შესრულება;

ე) კანონმდებლობაში განხორციელებული ცვლილებების (დაკავშირებული ცენტრის საქმიანობასთან, მიზნებთან და ამოცანებთან) შესახებ გენერალური დირექტორისა და ცენტრის შესაბამისი სტრუქტურული ქვედანაყოფებისათვის ინფორმაციის მიწოდება;

ვ) სპეციალური მინდობილობის/რწმუნებულობის საფუძველზე, ცენტრის წარმომადგენლობა და ინტერესების დაცვა ყველა ინსტანციის სასამართლოში, სხვა სახელმწიფო ორგანოებთან, დაწესებულებებსა და ორგანიზაციებთან, აგრეთვე, საჯარო და კერძო სამართლის იურიდიულ პირებთან ურთიერთობებში;

ზ) კანონმდებლობით გათვალისწინებული სხვა შესაბამისი უფლებამოსილებებისა და ცენტრის ხელმძღვანელობის შესაბამისი დავალებების განხორციელება.”.

4. მე-9 მუხლი ჩამოყალიბდეს შემდეგი რედაქციით:

„მუხლი 9. საინფორმაციო ტექნოლოგიების სამსახური

საინფორმაციო ტექნოლოგიების სამსახურის ამოცანები და ფუნქციებია:

ა) ცენტრის პროგრამული უზრუნველყოფის განვითარების სტრატეგიის შემუშავება;

ბ) ცენტრის საჭიროებიდან გამომდინარე, თანამედროვე საინფორმაციო ტექნოლოგიების დანერგვა და განვითარება;

გ) ცენტრის კომპიუტერული ტექნიკის და ლოკალური კომპიუტერული ქსელის გამართულად მუშაობისა და უსაფრთხოების უზრუნველყოფა;

დ) ახალი პროგრამებისა და სისტემების შესახებ მომხმარებლის ინსტრუქციების შემუშავება;

ე) ცენტრის პროგრამული უზრუნველყოფის სისტემაში ხარვეზების იდენტიფიცირება, მათი აღმოფხვრა და უწყვეტი მონიტორინგი;

ვ) კრიტიკული სისტემების სარეზერვო ასლების უზრუნველყოფა;

ზ) მაგისტრალური ოპტიკურ-ბოჭკოვანი და სხვა საკაბელო მეურნეობით ცენტრის სტრუქტურული ერთეულების უზრუნველყოფა;

თ) სათვალთვალო კამერების ნორმალური  ფუნქციონირების მონიტორინგი;

ი) კანონმდებლობით გათვალისწინებული შესაბამისი უფლებამოსილებებისა და ცენტრის ხელმძღვანელობის შესაბამისი დავალებების განხორციელება.“.

5. მე-12 მუხლი ამოღებულ იქნეს.

6. მე-19 მუხლი ჩამოყალიბდეს შემდეგი რედაქციით:

„მუხლი 19. შრომის უსაფრთხოების სამსახური

შრომის უსაფრთხოების სამსახურის ამოცანები და ფუნქციებია:

ა) ცენტრში შრომის უსაფრთხოების და ჯანმრთელობის დაცვის მიმართულებით,   შრომის უსაფრთხოების პოლიტიკის შემუშავება  და მართვის სისტემის დანერგვა;

ბ) ცენტრის შრომის უსაფრთხოებისა და ჯანმრთელობის დაცვის მარეგულირებელი დოკუმენტების განახლება, მოქმედი კანონმდებლობის შესაბამისად;

გ) უბედური შემთხვევების მოკვლევაში მონაწილეობა;

დ) ლიცენზიის მფლობელის ვალდებულების ფარგლებში, ბირთვული და რადიაციული მასალების მონიტორინგი;

ე) კონტროლი მომეტებული საშიშროების ობიექტებზე ფეთქებად, ხანძარსაშიშ და საშემდუღებლო სამუშაოების ჩატარებისას შრომის უსაფრთხოების მოთხოვნების დაცვაზე;

ვ) წინადადებების შემუშავება სახანძრო უსაფრთხოების სფეროში თანმიმდევრული პრევენციისა და მათზე რეაგირების შესაბამისი მოთხოვნების უზრუნველყოფისათვის საჭირო  ღონისძიებების განხორციელების თაობაზე;

ზ) ცენტრის ყველა ობიექტისათვის სახანძრო საგუშაგოების, სახანძრო დაფების  რაოდენობის, მათი დაკომპლექტების და ადგილმდებარეობის განსაზღვრა;

თ) ცენტრის ყველა ობიექტისა და შენობისთვის საევაკუაციო და ხანძრისქრობის გეგმების შედგენა;

ი) სახანძრო უსაფრთხოების საკითხებზე ინსტრუქციებისა და წინადადებების შემუშავება;

კ) ავარიის ლიკვიდაციისა და ლოკალიზაციის გეგმების შედგენაში მონაწილეობა;

ლ) კანონმდებლობით გათვალისწინებული შესაბამისი უფლებამოსილებებისა და ცენტრის ხელმძღვანელობის შესაბამისი დავალებების განხორციელება.".

7. 23-ე მუხლი ამოღებულ იქნეს.

8. 24-ე მუხლის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) წნეხფორმების, ტვიფრების, საგამოცდო სტენდების, შესადუღებელი სამარჯვების  სპეციალური და სტანდარტული მჭრელი იარაღების, საკონტროლო, მზომი იარაღების  და სხვა დანიშნულების სამარჯვი-მოწყობილობების დამზადება, გამოცდა და ექსპლუატაციაში გადაცემა;“;

ბ) ,,ბ“ ქვეპუნქტი ამოღებულ იქნეს.

9. 28-ე მუხლის შემდეგ დაემატოს შემდეგი შინაარსის 28¹ მუხლი:

„მუხლი 28¹. VI საწარმო

VI საწარმოს ამოცანები და ფუნქციებია:

ა) ხის და ლამინატის მასალებით საოფისე და სხვადასხვა დანიშნულების ნაკეთობების  წარმოება და მონტაჟი;

ბ) კანონმდებლობით გათვალისწინებული შესაბამისი უფლებამოსილებებისა და ცენტრის ხელმძღვანელობის შესაბამისი დავალებების განხორციელება.“.