“სატვირთო-საბაჟო დეკლარაციის ფორმის, მისის შევსებისა და წარდგენის წესის შესახებ ინსტრუქციებისა და საბაჟო დეკლარაციევის კლასიფიკატორის" დამტკიცების თაობაზე" საქართველოს ფინანსთა მინისტრის 2004 წლის 13 ივლისის №481 ბრძანებაში ცვლილებებისა და დამატებების შეტანის თაობაზე"

სახელმწიფო სარეგისტრაციო კოდი 200.220.010.22.033.008.305

საქართველოს ფინანსთა მინისტრის

ბრძანება №219

2006 წლის 17 მარტი

ქ. თბილისი

,,სატვირთო-საბაჟო დეკლარაციის   ფორმის, მისი შევსებისა და წარდგენის წესის შესახებ ინსტრუქციებისა და ,,საბაჟო დეკლარირების კლასიფიკატორის“ დამტკიცების თაობაზე“ საქართველოს ფინანსთა მინისტრის 2004 წლის 13 ივლისის №481 ბრძანებაში ცვლილებებისა და დამატებების შეტანის თაობაზე

საქართველოს საბაჟო კოდექსის 84-ე მუხლის მე-2 ნაწილისა და ,,საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილებით დამტკიცებული დებულების მე-4 მუხლის მე-3 პუნქტის ,,ლ“ ქვეპუნქტის საფუძველზე, ვბრძანებ:

    მუხლი 1

,,სატვირთო-საბაჟო დეკლარაციის ფორმის, მისი შევსებისა და წარდგენის წესის შესახებ ინსტრუქციებისა და ,,საბაჟო დეკლარირების კლასიფიკატორის“ დამტკიცების თაობაზე“ საქართველოს ფინანსთა მინისტრის 2004 წლის 13 ივლისის №481 ბრძანებაში (სსმ III, 2004 წ., №75, მუხ. 671) შეტანილ იქნეს შემდეგი ცვლილებები და დამატებები:

ა) ამოღებულ იქნეს ბრძანების მე-2 პუნქტი.

ბ) ბრძანებას დაემატოს 3¹ და 3² პუნქტები შემდეგი რედაქციით:

,,3¹. TIR-კარნეტის წიგნაკით გადაადგილებული ტრანზიტული საქონ­ლის შემოსვლის საბაჟო ორგანოში დეკლარირების დროს სატვირთო-საბაჟო დეკლარაციად ითვლება TIR-კარნეტის წიგნაკი, ხოლო TIR-კარნეტის წიგნაკის არქონის შემ­თხვევაში სატრანსპორტო ზედდებული, საჰაერო, სარკინიგზო და საზღვაო ტრანსპორტის დროს აგრეთვე სხვა დოკუმენტი, რომელიც გამოიყენება შემდგომი გადაზიდვისათვის და/ან შეიცავს საქონლის და სატრანსპორტო საშუალების იდენტიფიკაციისათვის საჭირო მონაცემებს.

3². საქართველოს ტერიტორიაზე 30 დღემდე ავტოსატრანსპორტო საშუალების დროებითი შემოტანისას ავტოსატრანს­პორტო საშუალების ტექნიკური დოკუმენტაცია ითვლება სატვირთო-საბაჟო დეკლარაციად.“.

გ) ამოღებულ იქნეს ინსტრუქცია ,,საბაჟო მონაცემთა ერთიან ელექტრონულ სისტემაში (ASYCUDA) ტრანზიტის საბაჟო რეჟიმის შესაბამისად გაცხადებულ საქონელსა და სატრანსპორტო საშუალებებზე სატვირთო-საბაჟო დეკლარაციის ფორმის, მისი შევსებისა და წარდგენის წესის შესახებ.“.

    მუხლი 2

ბრძანება ამოქმედდეს გამოქვეყნებიდან მე-15 დღეს.

ა. ალექსიშვილი