,,რეგიონული მართვის საკითხებში საქართველოს სახელმწიფო მინისტრის აპარატის შექმნის შესახებ“ საქართველოს მთავრობის 2008 წლის 8 თებერვლის №19 დადგენილებაში ცვლილებების და დამატებების შეტანის თაობაზე“

საქართველოს მთავრობის

 დადგენილება №100

2008 წლის 12 აპრილი

ქ. თბილისი

,,რეგიონული მართვის საკითხებში საქართველოს სახელმწიფო მინისტრის აპარატის შექმნის შესახებ“ საქართველოს მთავრობის 2008 წლის 8 თებერვლის №19 დადგენილებაში ცვლილებების და დამატებების შეტანის თაობაზე

1. ,,ნორმატიული აქტების შესახებ“ საქართველოს კანონის 36-ე მუხლის შესაბამისად, ,,რეგიონული მართვის საკითხებში საქართველოს სახელმწიფო მინისტრის აპარატის შექმნის შესახებ“ საქართველოს მთავრობის 2008 წლის 8 თებერვლის №19 დადგენილებაში, დადგენილებით დამტკიცებულ დებულებასა და საშტატო ნუსხაში შეტანილ იქნეს შემდეგი ცვლილებები:

ა) დადგენილების პირველი პუნქტის ,,ბ“ ქვეპუნქტი ჩამოყალიბდეს ახალი რედაქციით:

,,ბ) რეგიონული მართვის საკითხებში საქართველოს სახელმწიფო მინისტრის აპარატის რიცხოვნობა განისაზღვროს 38 ერთეულით;“;

ბ) დებულების მე-2 მუხლს დაემატოს ,,პ1“ პუნქტი:

,,პ1) ამუშავებს წინადადებებს საქართველოს მთავრობის მიერ ნაკისრ სოციალურ ვალდებულებათა განხორციელების ხელშეწყობის მიზნით;“;

გ) დებულების მე-3 მუხლის პირველი პუნქტი ჩამოყალიბდეს შემდეგი რედაქციით:

,,1. აპარატის სტრუქტურული ერთეულებია:

ა) მინისტრის აპარატი;

ბ) ადგილობრივი თვითმმართველობის ორგანოებთან ურთიერთობის სამსახური;

გ) მობილიზაციისა და სამხედრო სამსახურში გაწვევის კოორდინირების სამსახური;

დ) რეგიონული პროექტების კოორდინაციის სამსახური;

ე) სოციალურ საკითხთა სამსახური.“;

დ) რეგიონული მართვის საკითხებში საქართველოს სახელმწიფო მინისტრის აპარატის საშტატო ნუსხა ჩამოყალიბდეს შემდეგი რედაქციით:

„რეგიონული მართვის საკითხებში საქართველოს სახელმწიფო მინისტრის აპარატის საშტატო ნუსხა

2. საქართველოს ფინანსთა სამინისტრომ (ნ. გილაური) უზრუნველყოს საჭირო სახსრების გამოყოფა რეგიონული მართვის საკითხებში საქართველოს სახელმწიფო მინისტრის აპარატის საქმიანობის დაფინანსებისათვის.

3. დადგენილება ამოქმედდეს გამოქვეყნებისთანავე.

პრემიერ-მინისტრი                                                          ვ. გურგენიძე