"საქსტატის მიერ სტატისტიკური სამუშაოების პროგრამის ფარგლებს გარეთ სტატისტიკური მონაცემების დამატებითი დამუშავებით მომსახურების სახეობებისა და საფასურის განსაზღვრის წესის" დამტკიცების თაობაზე საქართველოს სტატისტიკის ეროვნული სამსახურის საბჭოს 2023 წლის 3 ნოემბრის N2 დადგენილებაში ცვლილების შეტანის შესახებ

 საქართველოს სტატისტიკის ეროვნული სამსახურის საბჭო  ადგენს:

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, შევიდეს ცვლილება საქართველოს სტატისტიკის ეროვნული სამსახურის საბჭოს 2023 წლის 3 ნოემბრის №2 დადგენილებაში (www.matsne.gov.ge, 03/11/2023, 300010000.83.096.016002) და დადგენილებით დამტკიცებული „საქსტატის მიერ სტატისტიკური სამუშაოების პროგრამის ფარგლებს გარეთ სტატისტიკური მონაცემების დამატებითი დამუშავებით მომსახურების სახეობებისა და საფასურის განსაზღვრის წესის“ მე-3 მუხლის პირველი პუნქტით გათვალისწინებული მომსახურების სახეობებიდან ამოღებულ იქნას მომსახურების სახე „რეგისტრირებული ავტომობილების რაოდენობა მარკების მიხედვით“ (N01003).

ეს დადგენილება ამოქმედდეს გამოქვეყნებისთანავე.