„საქართველოს საგარეო საქმეთა სამინისტროს პრესისა და ინფორმაციის დეპარტამენტის დებულების დამტკიცების თაობაზე" საქართველოს საგარეო საქმეთა სამინისტროს 2006 წლის 31 იანვრის № 40 ბრძანებით დამტკიცებულ “საქართველოს საგარეო საქმეთა სამინისტროსა და პრესისა და ინფორმაციის დეპარტამენტის დებულებაში ცვლილებებისა და დამატების შეტანის თაობაზე"

სახელმწიფო სარეგისტრაციო კოდი 450.140.000.22.030.008.258

საქართველოს საგარეო საქმეთა

მინისტრის ბრძანება №84

2006 წლის 6 მარტი

ქ. თბილისი

,,საქართველოს საგარეო საქმეთა სამინისტროს პრესისა და ინფორმაციის დეპარტამენტის დებულების დამტკიცების თაობაზე“ საქართველოს საგარეო საქმეთა მინისტრის 2006 წლის 31 იანვრის №40 ბრძანებით დამტკიცებულ ,,საქართველოს საგარეო საქმეთა სამინისტროს პრესისა და ინფორმაციის დეპარტამენტის დებულებაში“ ცვლილებებისა და დამატების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის პირველი პუნქტის შესაბამისად, ვბრძანებ:

1. ,,საქართველოს საგარეო საქმეთა სამინისტროს პრესისა და ინფორმაციის დეპარტამენტის დებულების დამტკიცების თაობაზე“ საქართველოს საგარეო საქ-მეთა მინისტრის 2006 წლის 31 იანვრის №40 ბრძანებით (სსმ III, 08.02.2006წ., №17, მუხ. 199) დამტკიცებულ საქართველოს საგარეო საქმეთა სამინისტროს პრესისა და ინფორმაციის დეპარტამენტის დებულებაში შეტანილ იქნეს შემდეგი შინაარსის ცვლილებები და დამატება:

ა) დებულების მე-3 მუხლის მე-3 პუნქტის ,,ე“ ქვეპუნქტი ჩამოყალიბდეს შემდეგი რედაქციით:

,,ე) წარადგენს წინადადებებს დეპარტამენტის საშტატო ნუსხის, მუშაობის ორგანიზაციის, დეპარტამენტის მოხელეების რანგირების, წახალისების ან მათთვის დისციპლინური პასუხისმგებლობის დაკისრების შესახებ;“

ბ) დებულების მე-3 მუხლის მე-3 პუნქტის ,,ლ“ ქვეპუნქტი ჩამოყალიბდეს შემდეგი რედაქციით:

,,ლ) პერიოდულად ისმენს დეპარტამენტის თანამშრომელთა ანგარიშს მათ მიერ შესრულებული სამუშაოს თაობაზე;“

გ) დებულების მე-3 მუხლს დაემატოს შემდეგი შინაარსის მე-7 პუნქტი:

,,7. დეპარტამენტის დანარჩენ თანამშრომელთა ფუნქციონალურ მოვალეობებს ამტკიცებს მინისტრი.“.

დ) დებულებიდან ამოღებულ იქნეს მე-4 და მე-5 მუხლები.

2. ბრძანება ძალაშია გამოქვეყნებისთანავე.

გ. ბეჟუაშვილი