„ქალაქ რუსთავის მუნიციპალიტეტის მერიის საფინანსო-საბიუჯეტო სამსახურის დებულების დამტკიცების შესახებ“ ქალაქ რუსთავის მუნიციპალიტეტის საკრებულოს 2018 წლის 1 თებერვლის №17 დადგენილებაში ცვლილების შეტანის შესახებ

1.1. დანართი №1-ის მე-2 მუხლის პირველ პუნქტს დაემატოს შემდეგი შინაარსის „ი“ ქვეპუნქტი:

„ი) ფინანსური მართვისა და კონტროლის სისტემის კოორდინატორთან და მერის სისტემაში მაღალი რგოლის ხელმძღვანელ პირებთან ერთად უზრუნველყოს რისკის მართვის სისტემის ჩამოყალიბება, რისკის მართვის პოლიტიკის შემუშავება და მისი დოკუმენტირება.

1.2. დანართი №1-ის მე-2 მუხლის მე-2 პუნქტს დაემატოს შემდეგი შინაარსის „პ“ ქვეპუნქტი:

 „პ) ფინანსური მართვისა და კონტროლის სისტემის კოორდინატორთან და მერის სისტემაში მაღალი რგოლის ხელმძღვანელ პირებთან ერთად უზრუნველყოფს რისკის მართვის სისტემის ჩამოყალიბებას და მის გამართულ ფუნქციონირებას; განსაზღვრავს მერიის სისტემაში შემავალ ყველა სტრუქტურულ ერთეულის და საბიუჯეტო ორგანიზაციის მონაწილეობით  რისკის მიმართ სტრატეგიული მიდგომის და რისკის მისაღებ დონეს; შეიმუშავებს რისკის მართვის პოლიტიკას და უზრუნველყოს მის მუდმივ განახლებას; ახდენს რისკის მართვის პოლიტიკის დოკუმენტირებას; მუნიციპალიტეტის მასშტაბით რისკის რეესტრის წარმოება.“.

1.3. დანართი №1-ის მე-3 მუხლის მე-2 პუნქტს დაემატოს შემდეგი შინაარსის „ფ“; „ქ“; „ღ“; „ყ“; და „შ“ ქვეპუნქტები:

„ფ) ფინანსური მართვისა და კონტროლის სისტემის კოორდინატორთან და მერის სისტემაში მაღალი რგოლის ხელმძღვანელ პირებთან ერთად რისკის მართვის სისტემის ჩამოყალიბებას და მის გამართულ ფუნქციონირებას. რისკის მართვის ცნობიერების ჩამოყალიბება/ამაღლებას;

ქ) მერიის სისტემაში შემავალ ყველა სტრუქტურული ერთეულის და საბიუჯეტო ორგანიზაციის მონაწილეობით განსაზღვრავს რისკის მიმართ სტრატეგიული მიდგომის და რისკის მისაღებ დონეს;

ღ) რისკის მართვის პოლიტიკის შემუშავებას და უზრუნველყოს მის მუდმივ განახლებას; ახდენს რისკის მართვის პოლიტიკის დოკუმენტირებას;

ყ) რისკის მართვისა და შიდა კონტროლის ღონისძიებების კოორდინირებას; რისკების იდენტიფიცირებას, ანალიზს, კრიტერიუმების განსაზღვრასა და მათ გაზომვა/შეფასებას (ყოველწლიურად ან საჭიროებისამებრ);

შ) მერიის სისტემაში შემავალ ყველა სტრუქტურულ ერთეულს და საბიუჯეტო ორგანიზაციას ეხმარება რისკის რეესტრების შემუშავებაში; მუნიციპალიტეტის მასშტაბით რისკის რეესტრის წარმოებას და უზრუნველყოფს მისი საჭიროებისამებრ, პერიოდული განახლებას; რისკის მართვასთან დაკავშირებული ინფორმაციის შეგროვებას, ანგარიშის მომზადებას და წარდგენას ხელმძღვანელობისთვის.“.