„საჰაერო ტრანსპორტით სახიფათო ტვირთის გადაზიდვის წესის დამტკიცების შესახებ“ სსიპ – სამოქალაქო ავიაციის სააგენტოს დირექტორის 2013 წლის 27 დეკემბრის №263 ბრძანებაში ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„საჰაერო ტრანსპორტით სახიფათო ტვირთის გადაზიდვის წესის დამტკიცების შესახებ“ სსიპ – სამოქალაქო ავიაციის სააგენტოს დირექტორის 2013 წლის 27 დეკემბრის №263 ბრძანებაში ცვლილების შეტანის შესახებ
დოკუმენტის ნომერი	284
დოკუმენტის მიმღები	სამოქალაქო ავიაციის სააგენტოს დირექტორი
მიღების თარიღი	13/12/2024
დოკუმენტის ტიპი	სამოქალაქო ავიაციის სააგენტოს დირექტორის ბრძანება
გამოქვეყნების წყარო, თარიღი	ვებგვერდი, 17/12/2024
სარეგისტრაციო კოდი	310150000.54.066.016361

PDF გადმოწერა

„საჰაერო ტრანსპორტით სახიფათო ტვირთის გადაზიდვის წესის დამტკიცების შესახებ“ სსიპ – სამოქალაქო ავიაციის სააგენტოს დირექტორის 2013 წლის 27 დეკემბრის №263 ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1

„საჰაერო ტრანსპორტით სახიფათო ტვირთის გადაზიდვის წესის დამტკიცების შესახებ“ სსიპ – სამოქალაქო ავიაციის სააგენტოს დირექტორის 2013 წლის 27 დეკემბრის №263 ბრძანებით (ვებგვერდი, 30/12/2013, 310150000.54.066.016060) დამტკიცებულ „საჰაერო ტრანსპორტით სახიფათო ტვირთის გადაზიდვის წესში“ შეტანილ იქნეს შემდეგი ცვლილებები:

1) მე-12 მუხლს დაემატოს შემდეგი შინაარსის მე-3-მე-5 პუნქტები:

„3. ლითიუმის იონისა (UN3481) და ლითიუმის მეტალის (UN3091) ბატარეის შემცველი მოწყობილობის მისაღებად, დანიშნულ საფოსტო ოპერატორს უნდა გააჩნდეს სააგენტოს მიერ გაცემული წერილობითი თანხმობა, რომელსაც სააგენტო გასცემს ამ წესის დანართი №2-ით განსაზღვრული ფორმით.

4. ამ მუხლის მე-3 პუნქტით განსაზღვრული თანხმობის მისაღებად, დანიშნული საფოსტო ოპერატორი ვალდებულია ამავე მუხლის მე-2 პუნქტში აღნიშნულ პროგრამასა და პროცედურებში ასახოს ლითიუმის იონისა და ლითიუმის მეტალის ბატარეის შემცველი მოწყობილობის მიღებასა და გადაზიდვასთან დაკავშირებული დეტალური ინფორმაცია.

5. ამ მუხლის მე-3 პუნქტით განსაზღვრულ თანხმობას სააგენტო გასცემს უვადოდ.“.

2) 17¹ მუხლის მე-4 პუნქტი ჩამოყალიბდეს შემდეგი რედაქციით:

„4. დადებითი გადაწყვეტილების შემთხვევაში სააგენტო გასცემს ინსტრუქტორის მოწმობას ამ წესის დანართი №1- ით განსაზღვრული ფორმით.“.

3) ამ წესის დანართი დამტკიცდეს თანდართული ფორმით.

4) წესს დაემატოს დანართი №2 თანდართული რედაქციით.

მუხლი 2

ბრძანება ამოქმედდეს გამოქვეყნებისთანავე.

სსიპ სამოქალაქო ავიაციის სააგენტოს დირექტორი გივი დავითაშვილი