„საჯარო სამართლის იურიდიული პირის – „აფხაზეთის ავტონომიური რესპუბლიკის მომსახურების სააგენტოს“ დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2021 წლის 5 მარტის №13 დადგენილებაში ცვლილების შეტანის თაობაზე

1.  დებულების მე-2 მუხლის მე-2 პუნქტი ამოღებულ იქნეს.

2. დებულების მე-3 მუხლის მე-2 პუნქტის „გ“ – „ვ“ ქვეპუნქტები ჩამოყალიბდეს შემდეგი რედაქციით:

„გ) მინისტრთან შეთანხმებით ამტკიცებს სააგენტოს საშტატო ნუსხასა და სახელფასო ფონდს;

დ) მოქმედი კანონმდებლობის შესაბამისად, თანამდებობაზე ნიშნავს და თანამდებობიდან ათავისუფლებს სააგენტოს თანამშრომლებს, იღებს გადაწყვეტილებებს სააგენტოს  თანამშრომლების წახალისებისა და დისციპლინური პასუხისმგებლობის შესახებ, აფორმებს და წყვეტს შრომით ხელშეკრულებებს;

ე) წარუდგენს მინისტრს გამარტივებული საჯარო კონკურსის წესით შერჩეულ თავისი მოადგილეების კანდიდატურებს;

ვ) წარუდგენს მინისტრს დასამტკიცებლად სააგენტოს სტრუქტურული ქვედანაყოფების დებულებებს  და სხვა სამართლებრივ აქტებს;“.

3. დებულების მე-4 მუხლის პირველი პუნქტის „გ.ა“ ქვეპუნქტი ამოღებულ იქნეს.

4. დებულების მე-4 მუხლის მე-2 პუნქტი ამოღებულ იქნეს.

5. დებულების მე-4 მუხლის მე-3 პუნქტი  ჩამოყალიბდეს შემდეგი რედაქციით:

„3. სააგენტოს სტრუქტურული ერთეულების დებულებებს ამტკიცებს მინისტრი სააგენტოს დირექტორის წარდგინებით.“.

6. დებულების მე-5 მუხლის  „ზ“ – „თ“ ქვეპუნქტები ჩამოყალიბდეს შემდეგი რედაქციით:

„ზ) სააგენტოს ადამიანური რესურსების მართვა და ადმინისტრირება;

თ) სააგენტოს შრომის შინაგანაწესისა და შრომის დისციპლინის დაცვაზე კონტროლის უზრუნველყოფა/ზედამხედველობა;

ი) სააგენტოს საქმიანობის სამართლებრივი უზრუნველყოფა;“.

7. დებულების მე-6 მუხლის „ა“ ქვეპუნქტი  ამოღებულ იქნეს.