„საქართველოს თავდაცვის სამინისტროს სოციალურ საკითხთა და ფსიქოლოგიური მხარდაჭერის დეპარტამენტის დებულების დამტკიცების შესახებ“ საქართველოს თავდაცვის მინისტრის 2016 წლის 16 დეკემბრის №89 ბრძანებაში ცვლილების შეტანის თაობაზე

1. მე-2 მუხლის ,,ბ“ ქვეპუნქტი ჩამოყალიბდეს შემდეგი რედაქციით:

,,ბ) სამინისტროს სისტემის მოსამსახურეების, მათ შორის, დაჭრილი და დაშავებული მოსამსახურეების, ასევე მინისტრის სამართლებრივი აქტით გათვალისწინებული მათი ოჯახის წევრთა ჯანმრთელობის მდგომარეობის გაუმჯობესებისა და რეინტეგრაციის პროცესის ეფექტიანად და ხარისხიანად წარმართვა სამინისტროს სისტემის შესაბამის სამსახურებთან კოორდინაციით;“.

2. მე-3 მუხლის ,,ბ“ ქვეპუნქტი ჩამოყალიბდეს შემდეგი რედაქციით:

,,ბ) სამინისტროს სისტემის მოსამსახურეების, მათ შორის, დაჭრილი და დაშავებული მოსამსახურეების, ასევე მინისტრის სამართლებრივი აქტით გათვალისწინებული მათი ოჯახის წევრთა ჯანმრთელობის მდგომარეობის გაუმჯობესებისა და რეინტეგრაციის პროცესის ეფექტიანად და ხარისხიანად წარმართვა სამინისტროს სისტემის შესაბამის სამსახურებთან კოორდინაციით, აგრეთვე, მათი ინფორმირება ჯანმრთელობისა და სოციალური დაცვის პროექტების შესახებ;“.

3. მე-5 მუხლის:

ა) მე-2 პუნქტის „დ^​1“ ქვეპუნქტი ჩამოყალიბდეს შემდეგი რედაქციით:

„დ^​1) მარო მაყაშვილის სახელობის სამხედრო მოსამსახურეთა სარეაბილიტაციო სამსახურში უზრუნველყოფს სამინისტროს მოსამსახურეებისთვის, მათ შორის, დაჭრილი და დაშავებული მოსამსახურეებისთვის, ასევე, მინისტრის სამართლებრივი აქტით გათვალისწინებული მათი ოჯახის წევრთა ფიზიკური რეაბილიტაციის სერვისების მიწოდებას მოსამსახურეთა ჯანმრთელობის მდგომარეობის შენარჩუნებისა და გაუმჯობესებისთვის. ახორციელებს აღნიშნული პროცესის მონიტორინგს და საჭიროების შემთხვევაში თანამშრომლობს სამინისტროს შესაბამის სტრუქტურულ ერთეულებთან;“;

ბ) მე-3 პუნქტის ,,თ^​1“ ქვეპუნქტი ჩამოყალიბდეს შემდეგი რედაქციით:

„თ^​1) მარო მაყაშვილის სახელობის სამხედრო მოსამსახურეთა სარეაბილიტაციო სამსახურში უზრუნველყოფს სამინისტროს მოსამსახურეებისთვის, მათ შორის, დაჭრილი და დაშავებული მოსამსახურეებისთვის, ასევე, მინისტრის სამართლებრივი აქტით გათვალისწინებული მათი ოჯახის წევრთა ფსიქოლოგიური მხარდაჭერის სერვისების მიწოდებას. თავდაცვის სამინისტროს სხვადასხვა სტრუქტურულ ერთეულთან ერთად მონაწილეობს დაჭრილი და დაშავებული მოსამსახურეების რეინტეგრაციისა და რესოციალიზაციის ხელშეწყობის პროცესში.“.