“ტრანსპორტისა და კომუნიკაციების მინისტრის 2003 წლის 16 ივნისის №33 ბრძანებით დამტკიცებული “საქართველოს სამოქალაქო ავიაციის უსაფრთხო ფუნქციონირების უზრუნველმყოფ პირთა საკვალიფიკაციო მოთხოვნებში ცვლილებების შეტანის შესახებ"

სახელმწიფო სარეგისტრაციო კოდი 310.150.000.22.024.008.216

საქართველოს ეკონომიკური განვითარების მინისტრის

ბრძანება №1-1/165

 2006 წლის 28 თებერვალი

ქ. თბილისი

ტრანსპორტისა და კომუნიკაციების მინისტრის 2003 წლის 16 ივნისის №33 ბრძანებით დამტკიცებულ ,,საქართველოს სამოქალაქო ავიაციის უსაფრთხო ფუნქციონირების უზრუნველმყოფ პირთა საკვალიფიკაციო მოთხოვნებში“ ცვლილებების შეტანის შესახებ

,,ნორმატიული აქტების შესახებ“ საქართველოს კანონის 36-ე მუხლის, ,,ტრანსპორტისა და კომუნიკაციების სფეროს სახელმწიფო მართვისა და რეგულირების წესის შესახებ“ საქართველოს კანონის მე-6 მუხლისა და ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 35-ე მუხლის შესაბამისად, ვბრძანებ:

1. ტრანსპორტისა და კომუნიკაციების მინისტრის 2003 წლის 16 ივნისის №33 ბრძანებით დამტკიცებულ ,,საქართველოს სამოქალაქო ავიაციის უსაფრთხო ფუნქციონირების უზრუნველმყოფ პირთა საკვალიფიკაციო მოთხოვნებში“ (სსმ III, 2003 წ., №50, მუხ. 518) შეტანილ იქნეს შემდეგი ცვლილებები:

ამოღებულ იქნეს მე-20 მუხლის ,,ბ“ და ,,გ“ ქვეპუნქტები.

2. ეს ბრძანება ამოქმედდეს გამოქვეყნებისთანავე.

ი. ჩოგოვაძე