„ქალაქ რუსთავის მუნიციპალიტეტის ბიუჯეტის ქვეპროგრამის „სტუდენტთა სწავლის დაფინანსების“ (კოდი 04 05) განხორციელების წესების დამტკიცების შესახებ“ ქალაქ რუსთავის მუნიციპალიტეტის საკრებულოს 2019 წლის 20 დეკემბრის N160 დადგენილებაში ცვლილების შეტანის თაობაზე

ა) პირველი  მუხლის პირველი პუნქტი ჩამოყალიბდეს შემდეგი რედაქციით:

„1. ქალაქ რუსთავის მუნიციპალიტეტის ბიუჯეტის ქვეპროგრამის „სტუდენტთა სწავლის დაფინანსების (კოდი 04 05) განხორციელების წესი“ (შემდგომში – წესი) განსაზღვრავს ქალაქ რუსთავის მუნიციპალიტეტის ტერიტორიაზე რეგისტრირებული/მუდმივი ბინადრობის ნებართვის მქონე, წარმატებული სტუდენტებისა და რეზიდენტურის სწავლის საფასურის დაფინანსების წესსა და პირობებს ქალაქ რუსთავის მუნიციპალიტეტის ბიუჯეტით გათვალისწინებული ქვეპროგრამის ფარგლებში.“;

ბ) მე-2 მუხლს დაემატოს შემდეგო შინაარსის „ე“ ქვეპუნქტი და ჩამოყალიბდეს შემდეგი რედაქციით:

„ე) რეზიდენტურა – უმაღლესი სამედიცინო განათლების დიპლომის შემდგომი საფეხური, სასწავლო პროგრამებისა და პრაქტიკული საქმიანობის ერთობლიობა.“;

გ) მე-3 მუხლს დაემატოს შემდეგო შინაარსის 1⁵ ქვეპუნქტი და ჩამოყალიბდეს შემდეგი რედაქციით:

„1⁵. ქვეპროგრამა ითვალისწინებს ქალაქ რუსთავის მუნიციპალიტეტში განცხადებით მომართვამდე არანაკლებ 2 წლის განმავლობაში უწყვეტად რეგისტრირებული/მუდმივი ბინადრობის ნებართვის მქონე და მცხოვრები რეზიდენტურის საფეხურის მქონე სტუდენტების (წყვეტის შემთხვევაში რეგისტრაცია არ უნდა ფიქსირდებოდეს ქალაქ რუსთავის მუნიციპალიტეტის ადმინისტრაციულ საზღვრებს გარეთ) დაფინანსებას არაუმეტეს 1500 ლარის ოდენობით (ერთი კალენდარული წლის განმავლობაში). რეზიდენტურის საფეხურის სტუდენტები დაფინანსდებიან კურსის პირველი სემესტრიდან.“;

გ) მე-4 მუხლს დაემატოს შემდეგო შინაარსის „ნ“ ქვეპუნქტი და ჩამოყალიბდეს შემდეგი რედაქციით:

„ნ) რეზიდენტურის საფეხურის სტუდენტებმა უნდა წარმოადგინონ ცნობა სარეზიდენტო პროგრამაზე ჩარიცხვის შესახებ.“.