„საქართველოს შინაგან საქმეთა სამინისტროში სამხედრო-საექიმო და სამედიცინო ექსპერტიზის ჩატარების წესის დამტკიცების შესახებ“ საქართველოს შინაგან საქმეთა მინისტრის 2020 წლის 11 მაისის №69 ბრძანებაში ცვლილების შეტანის თაობაზე

1. მე-7 მუხლის:

ა) მე-5 პუნქტის შემდეგ დაემატოს 5¹ პუნქტი შემდეგი რედაქციით:       

„5¹. ექსპერტიზას დაქვემდებარებული პირი ვალდებულია სამხედრო-საექიმო ექსპერტიზის გასავლელად ცსსკ-ს წარუდგინოს სამხედრო აღრიცხვის დამადასტურებელი დოკუმენტი, თუ იგი იმყოფება სამხედრო აღრიცხვაზე.“;

ბ) მე-18 პუნქტი ჩამოყალიბდეს შემდეგი რედაქციით:

„18. ამ მუხლის მე-2 და მე-3 პუნქტებით გათვალისწინებულ დაავადებათა ცხრილების II-III გრაფების შესაბამისად, სამხედრო-საექიმო ექსპერტიზის გასავლელად დაიშვება პირი, ამავე მუხლის 5¹ პუნქტით გათვალისწინებული სამხედრო აღრიცხვის დამადასტურებელი დოკუმენტისა და საჭიროებისამებრ, ცსსკ-ს მოთხოვნით, შეზღუდვის დამადასტურებელი დოკუმენტაციის წარმოდგენის შემთხვევაში, თუ იგი იმყოფება სამხედრო აღრიცხვაზე და წვევამდელთა ეროვნული სამხედრო სამსახურისთვის შესაბამისობის კატეგორიების მიხედვით, ცნობილ იქნა:

ა) შესაბამისად სამხედრო სამსახურისთვის უმნიშვნელო შეზღუდვით;

ბ) შეზღუდულად შესაბამისად სამხედრო სამსახურისთვის;

გ) დროებით შეუსაბამოდ სამხედრო სამსახურისთვის.“.

2. მე-11 მუხლს დაემატოს შემდეგი შინაარსის მე-4 პუნქტი:

„4. სპეციალური ან სამხედრო წოდების მქონე საქართველოს თავდაცვის სამინისტროს სისტემის, სახელმწიფო დაცვის სპეციალური სამსახურის და საქართველოს დაზვერვის სამსახურის მოქმედი მოსამსახურეები სახელმწიფო უსაფრთხოების სამსახურში მიღებისას ექსპერტიზას გადიან ამ წესის დანართი №2-ით გათვალისწინებული „შემდგომი სამსახურისთვის“ ვარგისიანობის/შესაბამისობის კატეგორიის მიხედვით, გარდა სპეციალური დანიშნულების (საბრძოლო) ფუნქციის განმახორციელებელ თანამდებობებზე დასანიშნი კანდიდატებისა.“.