„საქართველოს შინაგან საქმეთა სამინისტროს ადმინისტრაციის დებულების დამტკიცების შესახებ“ საქართველოს შინაგან საქმეთა მინისტრის 2005 წლის 27 აპრილის №427 ბრძანებაში ცვლილებების შეტანის თაობაზე“

სახელმწიფო სარეგისტრაციო კოდი 010.320.020.22.034.008.159

საქართველოს შინაგან საქმეთა მინისტრის

ბრძანება №157

2006 წლის 7 თებერვალი

ქ. თბილისი

,,საქართველოს შინაგან საქმეთა სამინისტროს ადმინისტრაციის დებულების დამტკიცების შესახებ” საქართველოს შინაგან საქმეთა მინისტრის 2005 წლის 27 აპრილის №417 ბრძანებაში ცვლილებების შეტანის თაობაზე

,,ნორმატიული აქტების შესახებ” საქართველოს კანონის 36-ე მუხლის პირველი პუნქტისა და ,,საქართველოს შინაგან საქმეთა სამინისტროს დებულების დამტკიცების შესახებ” საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის ,,ა” და ,,ნ” ქვეპუნქტების საფუძველზე, ვბრძანებ:

 მუხლი 1. ,,საქართველოს შინაგან საქმეთა სამინისტროს ადმინისტრაციის დებულების დამტკიცების შესახებ” საქართველოს შინაგან საქმეთა მინისტრის 2005 წლის 27 აპრილის №417 ბრძანებით (სსმ III, 2005 წ., №52, მუხ. 567) დამტკიცებულ დებულებაში შეტანილ იქნეს შემდეგი ცვლილებები:

1. მე-7 მუხლი ჩამოყალიბდეს შემდეგი რედაქციით:

,,მუხლი 7. ადმინისტრაციის სტრუქტურული დანაყოფები

1. ადმინისტრაციის სტრუქტურული დანაყოფებია:

ა) ადამიანის უფლებათა დაცვისა და მონიტორინგის მთავარი სამმართველო;

ბ) საქმისწარმოების ორგანიზებისა და კონტროლის სამმართველო;

გ) საერთაშორისო ურთიერთობების სამმართველო;

დ) საჯარო ინფორმაციის გაცემის ბიურო (სამმართველო);

ე) ინფორმაციისა და საზოგადოებასთან ურთიერთობის სამმართველო;

ვ) ოპერატიულ-სამორიგეო სამსახური;

ზ) სამდივნო (განყოფილება);

თ) საარქივო სამსახური;

ი) საშვთა ბიურო (განყოფილება);

კ) საცნობარო ბიურო (განყოფილება).

2. ადმინისტრაციის სტრუქტურული დანაყოფები იყოფა სტრუქტურულ ქვედანაყოფებად.”.

2. მე-8 მუხლის მე-6 პუნქტი ჩამოყალიბდეს შემდეგი რედაქციით:

,,6. საარქივო სამსახურის ამოცანები და კომპეტენცია განისაზღვრება ამ დებულების მე-3 მუხლის ,,ზ” ქვეპუნქტით და მე-4 მუხლის ,,ტ”, ,,ღ”, ,,ყ” და ,,ძ” ქვეპუნქტებით.”.

მუხლი 2. ბრძანება ამოქმედდეს გამოქვეყნებისთანავე.

ი. მერაბიშვილი