,,სპეციალური საგამოძიებო სამსახურის თანამშრომლის მიერ სამსახურის გავლის წესის დამტკიცების შესახებ“ სპეციალური საგამოძიებო სამსახურის უფროსის 2022 წლის 7 ივნისის №10 ბრძანებაში ცვლილების შეტანის შესახებ

1. მე-5 თავის სათაური ჩამოყალიბდეს შემდეგი რედაქციით:

„თავი V. სპეციალურ საგამოძიებო სამსახურში სტაჟირებისა და პრაქტიკის გავლა“.

2.  32-ე მუხლის  სათაური ჩამოყალიბდეს შემდეგი რედაქციით:

„მუხლი 32. სტაჟირებისა და  პრაქტიკის პროცესის ორგანიზება“.

3. 32-ე მუხლის მე-6 პუნქტი  ჩამოყალიბდეს შემდეგი რედაქციით:

„6. სპეციალური საგამოძიებო სამსახურის სტრუქტურულ ერთეულებში (გარდა საგამოძიებო დეპარტამენტისა) სტაჟირების გავლის წესი და პირობები, სამსახურის სტრუქტურულ ერთეულებში პრაქტიკის გავლის წესი და პირობები მტკიცდება სპეციალური საგამოძიებო სამსახურის უფროსის ინდივიდუალური ადმინისტრაციულ-სამართლებრივი აქტით.“.

4. 37-ე მუხლს დაემატოს შემდეგი შინაარსის 4¹ მუხლი:

„4¹. კომისია უფლებამოსილია საერთო ვადაზე ადრე (მაგრამ არაუადრეს 6 თვისა) ჩაატაროს გასაუბრება და მოახდინოს სტაჟიორ-გამომძიებელთა შეფასება, რა დროსაც ითვალისწინებს სტაჟირების მიმდინარეობისას სტაჟიორ-გამომძიებლის მიერ მიღებულ ამ მუხლის პირველი პუნქტის „ა“ და „ბ“ ქვეპუნქტებით გათვალისწინებულ შეფასებებს.“.