“საქართველოს სახელმწიფო ფილარმონიის სალიკვიდაციო ღონისძიებების შესახებ"

სახელმწიფო სარეგისტრაციო კოდი 040.030.000.22.028.008.187

საქართველოს კულტურის, ძეგლთა დაცვისა და სპორტის

მინისტრის ბრძანება №3/41

2006 წლის 20 თებერვალი

 ქ. თბილისი

საქართველოს სახელმწიფო ფილარმონიის სალიკვიდაციო ღონისძიებების შესახებ

,,კულტურის შესახებ” საქართველოს კანონის მე-18 მუხლის პირველი პუნქტის ,,ვ” ქვეპუნქტისა და საქართველოს შრომის კანონთა კოდექსის თანახმად:

1. 2006 წლის 1 მარტამდე ლიკვიდირებულ იქნეს საქართველოს სახელმწიფო ფილარმონია.

2. შეიქმნას სახელმწიფო ფილარმონიის სალიკვიდაციო კომისია შემდეგი შემადგენლობით:

ლევან დავითულიანი – საქართველოს კულტურის, ძეგლთა დაცვისა და სპორტის მინისტრის მოადგილე, კომისიის თავმჯდომარე;

თამარ ქვარიანი – საქართველოს კულტურის, ძეგლთა დაცვისა და სპორტის მინისტრის   მოადგილე;

თეა ონიანი – საქართველოს კულტურის, ძეგლთა დაცვისა და სპორტის სამინისტროს (შემდგომში –  სამინისტრო) იურიდიული სამსახურის  უფროსი;

გელა ჯაჭვაძე – სამინისტროს შიდა აუდიტისა და მონიტორინგის სამსახურის უფროსი;

ზურაბ მიმინოშვილი – სამინისტროს ადმინისტრაციული დეპარტამენტის დირექტორი;

მერაბ დონაძე – სახელმწიფო ფილარმონიის დირექტორი;

ნაზი ძაძამია – სახელმწიფო ფილარმონიის მთავარი ბუღალტერი.

3. დაევალოს კომისიას სახელმწიფო ფილარმონიის ლიკვიდაციის მიზნით, 2006 წლის 28 თებერვლამდე უზრუნველყოს კანონმდებლობით გათვალისწინებული ორგანიზაციული, სამართლებრივი, მატერიალურ-ტექნიკური, საკადრო და სხვა შესაბამისი ღონისძიებების განხორციელება.

4. კონტროლი ბრძანების შესრულებაზე დაევალოს მინისტრის მოადგილეს ლევან დავითულიანს.

5. ბრძანება ძალაშია გამოქვეყნების დღიდან.

გ. გაბაშვილი