„საჯარო სამართლის იურიდიული პირის – კოლეჯ „იბერიის“ წესდების დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2019 წლის 19 ივნისის N129/ნ ბრძანებაში ცვლილების შეტანის თაობაზე

ა) პირველი პუნქტი ჩამოყალიბდეს შემდეგი რედაქციით:

„1. კოლეჯის მიზანია რეგიონის ადამიანური კაპიტალის გაძლიერება, პროფესიული სტუდენტების/მსმენელების თანამედროვე შრომის ბაზრის მოთხოვნების შესაბამისი კომპეტენციებით აღჭურვა და მათი პროფესიული და პიროვნული განვითარების ხელშეწყობა, ასევე, რეგიონში პროფესიული საგანმანათლებლო პროგრამების განმახორციელებელი დაწესებულებების მხარდაჭერა მათი ორგანიზაციული და პროფესიული განვითარებისათვის.“;

ბ) მე-4 პუნქტის „თ“ ქვეპუნქტი ჩამოყალიბდეს შემდეგი რედაქციით:

„თ) ხელი შეუწყოს პროფესიულ სტუდენტთა/კურსდამთავრებულთა დასაქმებას/თვითდასაქმებას და ამ მიზნით აქტიურად ითანამშრომლოს დამსაქმებლებთან ან/და მათ გაერთიანებებთან;“;

გ) მე-4 პუნქტს დაემატოს შემდეგი შინაარსის „მ“–„პ“ ქვეპუნქტები:

„მ)  პროფესიული განათლების  განვითარების ხელშეწყობის მიზნით, შეასრულოს უნარების ჰაბის ფუნქცია რეგიონში პროფესიული საგანმანათლებლო პროგრამების განმახორციელებელი დაწესებულებების ინსტიტუციური გაძლიერების, შესაბამისი სერვისების მიწოდებისა და პროფესიული განათლების მასწავლებელთა პროფესიული განვითარების შესაძლებლობების შექმნისა და განხორციელების გზით;

ნ) რეგიონულ დონეზე განახორციელოს საჯარო-კერძო პარტნიორობის მხარდაჭერა;

ო) რეგიონის დონეზე უზრუნველყოს პროფესიული განათლების პოპულარიზაცია, სამიზნე ჯგუფების ინფორმირებისა და მოწყვლადი ჯგუფების პროფესიულ განათლებაში ჩართვის ხელშესაწყობად;

პ) შეიმუშაოს და განავითაროს პროფესიულ განათლებაში ინოვაციური მართვისა და სწავლების მოდელები და მათი დანერგვისთვის გააძლიეროს რეგიონის სხვა საგანმანათლებლო დაწესებულებები.“.