„სსიპ − საქართველოს დაზღვევის სახელმწიფო ზედამხედველობის სამსახურის შექმნისა და მასთან არსებული სამეთვალყურეო საბჭოს ჩამოყალიბების შესახებ“ საქართველოს მთავრობის 2013 წლის 2 მაისის №102 დადგენილებაში ცვლილების შეტანის თაობაზე

1. მე-2 მუხლის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) დაზღვევისა და ნებაყოფლობითი კერძო საპენსიო საქმიანობის სფეროებში სახელმწიფო პოლიტიკის გატარება;“;

ბ) „ბ“ ქვეპუნქტი ჩამოყალიბდეს შემდეგი რედაქციით:

„ბ) სადაზღვევო და ნებაყოფლობითი კერძო საპენსიო ბაზრების ფინანსური სტაბილურობის ხელშეწყობა;“;

გ) „გ“ ქვეპუნქტი ჩამოყალიბდეს შემდეგი რედაქციით:

„გ) საკუთარი კომპეტენციის ფარგლებში, მომხმარებელთა უფლებების დაცვა დაზღვევისა და ნებაყოფლობითი კერძო საპენსიო საქმიანობის სფეროებში;“;

დ) „დ“ ქვეპუნქტი ჩამოყალიბდეს შემდეგი რედაქციით:

„დ) სადაზღვევო ორგანიზაციებისა და საპენსიო კომპანიების ქმედობაუნარიანობისა და გადახდისუნარიანობის უზრუნველყოფა;“;

ე) „ზ“ ქვეპუნქტი ჩამოყალიბდეს შემდეგი რედაქციით:

„ზ) ახალი კანონპროექტებისა და სხვა პროექტების, ასევე არსებულებში ცვლილების შეტანის თაობაზე პროექტების შემუშავება, აგრეთვე „დაზღვევის შესახებ“ საქართველოს კანონისა და „ნებაყოფლობითი კერძო პენსიის შესახებ“ საქართველოს კანონის განსახორციელებლად და საქართველოს კანონმდებლობით გათვალისწინებული ყველა საზედამხედველო ფუნქციის შესასრულებლად სამართლებრივი აქტების გამოცემა;“;

ვ) „თ“ ქვეპუნქტის შემდეგ დაემატოს შემდეგი შინაარსის „ი“ ქვეპუნქტი:

„ი) ფინანსურ კონგლომერატში შემავალი შესაბამისი სუბიექტის დონეზე დამატებითი ზედამხედველობის განხორციელება „ფინანსურ კონგლომერატში შემავალი რეგულირებული საწარმოების დამატებითი ზედამხედველობის შესახებ“ საქართველოს კანონის შესაბამისად და ამ ფუნქციის შესასრულებლად, საჭიროების შემთხვევაში, შესაბამის დაწესებულებებთან თანამშრომლობა.“.

2. მე-3 მუხლის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) გასცეს და გააუქმოს სადაზღვევო საქმიანობისა და ნებაყოფლობითი კერძო საპენსიო საქმიანობის ლიცენზია; განახორციელოს სადაზღვევო ბროკერის რეგისტრაცია და რეგისტრაციის გაუქმება, ნებაყოფლობითი კერძო საპენსიო სქემის რეგისტრაცია და რეგისტრაციის გაუქმება;“;

ბ) „გ“ ქვეპუნქტის შემდეგ დაემატოს შემდეგი შინაარსის „გ¹“ ქვეპუნქტი:

„გ¹) განახორციელოს „ნებაყოფლობითი კერძო პენსიის შესახებ“ საქართველოს კანონით გათვალისწინებული უფლებამოსილებები, მათ შორის, დააწესოს სანქციები ამავე კანონით განსაზღვრულ შემთხვევებში;“;

გ) „ლ“ ქვეპუნქტი ჩამოყალიბდეს შემდეგი რედაქციით:

„ლ) შეიმუშაოს და გამოსცეს ინსტრუქციები და ნორმატიული აქტები სადაზღვევო საქმიანობის, დაზღვევის სფეროში საშუამავლო საქმიანობისა და ნებაყოფლობითი კერძო საპენსიო საქმიანობის რეგულირების შესახებ;“;

დ) „ლ⁸“ ქვეპუნქტის შემდეგ დაემატოს შემდეგი შინაარსის „ლ⁹“ ქვეპუნქტი:

„ლ⁹) განახორციელოს „ფინანსურ კონგლომერატში შემავალი რეგულირებული საწარმოების დამატებითი ზედამხედველობის შესახებ“ საქართველოს კანონით გათვალისწინებული უფლებამოსილებები და შესაბამის საზედამხედველო ორგანოებთან ერთად მიიღოს გადაწყვეტილებები/ზომები, განახორციელოს შესაბამისი ღონისძიებები.“.

3. მე-4 მუხლის მე-3 პუნქტი ჩამოყალიბდეს შემდეგი რედაქციით:

„3. ზედამხედველობის სამსახურის უფროსი „დაზღვევის შესახებ“ საქართველოს კანონითა და „ნებაყოფლობითი კერძო პენსიის შესახებ“ საქართველოს კანონით გათვალისწინებულ შემთხვევებში გამოსცემს ნორმატიულ აქტს − ბრძანებას.“.

2. დადგენილების პირველი მუხლის პირველი პუნქტის „ა“, „ბ“, „გ“ და „დ“ ქვეპუნქტები, ასევე მე-2 პუნქტის „ა“ და „ბ“ ქვეპუნქტები ამოქმედდეს 2025 წლის 1 იანვრიდან.