“საქართველოს იუსტიციის სამინისტროს სამოქალაქო რეესტრის დეპარტამენტისა და სახელმწიფო რეესტრის მწარმოებელი ტერიტორიული ორგანოების-საპასპორტო, მოსახლეობის რეგისტრაციისა და სამოქალაქო აქტების რეგისტრაციის სამსახურისა და მოსახლეობის რეგისრაციისა და სამოქალაქო აქტების რეგისტრაციის სამსახურების ლიკვიდაციის, მატერიალურ-ტექნიკური ბაზის, ობიექტებისა და ქონების ინვენტარიზაციის ჩატარებისა და გადაცემის თაობაზე"

სახელმწიფო სარეგისტრაციო კოდი 040.030.050.22.027.008.071

საქართველოს იუსტიციის მინისტრის

ბრძანება №214

2006 წლის 30 იანვარი

ქ. თბილისი

საქართველოს იუსტიციის სამინისტროს სამოქალაქო რეესტრის დეპარტამენტისა და სახელმწიფო რეესტრის მწარმოებელი ტერიტორიული ორგანოების – საპასპორტო, მოსახლეობის რეგისტრაციისა და სამოქალაქო აქტების რეგისტრაციის სამსახურებისა და მოსახლეობის რეგისტრაციისა და სამოქალაქო აქტების რეგისტრაციის სამსახურების ლიკვიდაციის, მატერიალურ-ტექნიკური ბაზის, ობიექტებისა და ქონების ინვენტარიზაციის ჩატარებისა და გადაცემის თაობაზე

„სახელმწიფო რეესტრის შესახებ“ საქართველოს კანონის მე-10 მუხლის მე-2 პუნქტის „დ” ქვეპუნქტისა და 121 მუხლის შესაბამისად, ვბრძანებ:

    მუხლი 1

2006 წლის 1 მარტამდე ლიკვიდირებულ იქნეს:

ა) საქართველოს იუსტიციის სამინისტროს სამოქალაქო რეესტრის დეპარტამენტი;

ბ) საქართველოს იუსტიციის სამინისტროს სახელმწიფო რეესტრის მწარმოებელი ტერიტორიული ორგანოები – საპასპორტო, მოსახლეობის რეგისტრაციისა და სამოქალაქო აქტების რეგისტრაციის სამსახურები და მოსახლეობის რეგისტრაციისა და სამოქალაქო აქტების რეგისტრაციის სამსახურები.

    მუხლი 2

საქართველოს იუსტიციის სამინისტროს სამოქალაქო რეესტრის დეპარტამენტისა და სახელმწიფო რეესტრის მწარმოებელი ტერიტორიული ორგანოების – საპასპორტო, მოსახლეობის რეგისტრაციისა და სამოქალაქო აქტების რეგისტრაციის სამსახურებისა და მოსახლეობის რეგისტრაციისა და სამოქალაქო აქტების რეგისტრაციის სამსახურების ლიკვიდაციის, მატერიალურ-ტექნიკური ბაზის, ობიექტებისა და ქონების ინვენტარიზაციისა და გადაცემის მიზნით შეიქმნას კომისია შემდეგი შემადგენლობით:

კონსტანტინე ვარძელაშვილი – იუსტიციის მინისტრის მოადგილე, კომისიის თავმჯდომარე;

ზურაბ კვარაცხელია – ეკონომიკური დეპარტამენტის ადმინისტრაციული სამეურნეო სამმართველოს უფროსი, კომისიის თავმჯდომარის მოადგილე;

ნატო გაგნიძე – სამოქალაქო რეესტრის სააგენტოს თავმჯდომარის მოადგილე, კომისიის წევრი;

ქეთევან გაგიშვილი – იუსტიციის სამინისტროს მთავარი ბუღალტერი, კომისიის წევრი;

ოთარ გასპაროვი – სამოქალაქო რეესტრის სააგენტოს ლოჯისტიკის სამსახურის უფროსი, კომისიის წევრი;

გოჩა ბიკაშვილი – ეკონომიკური დეპარტამენტის საბიუჯეტო განყოფილების მრჩეველი, კომისიის წევრი;

გია კონიაშვილი – სამოქალაქო რეესტრის სააგენტოს ლოჯისტიკის სამსახურის სპეციალისტი, კომისიის წევრი;

ნინო ცუხიშვილი – საკადრო საკითხთა დეპარტამენტის ტერიტორიული ორგანოების საკადრო რესურსების მართვისა და საკადრო პოლიტიკის სამმართველოს უფროსი.

    მუხლი 3

დაევალოს კომისიას 2006 წლის 1 მარტამდე უზრუნველყოს:

ა) საქართველოს იუსტიციის სამინისტროს სამოქალაქო რეესტრის დეპარტამენტისა და სახელმწიფო რეესტრის მწარმოებელი ტერიტორიული ორგანოების – საპასპორტო, მოსახლეობის რეგისტრაციისა და სამოქალაქო აქტების რეგისტრაციის სამსახურების, მოსახლეობის რეგისტრაციისა და სამოქალაქო აქტების რეგისტრაციის სამსახურების ლიკვიდაციის მიზნით, კანონმდებლობით გათვალისწინებული შესაბამისი ღონისძიებების განხორციელება;

ბ) საქართველოს იუსტიციის სამინისტროს სამოქალაქო რეესტრის დეპარტამენტისა და სახელმწიფო რეესტრის მწარმოებელი ტერიტორიული ორგანოების – საპასპორტო, მოსახლეობის რეგისტრაციისა და სამოქალაქო აქტების რეგისტრაციის სამსახურების, მოსახლეობის რეგისტრაციისა და სამოქალაქო აქტების რეგისტრაციის სამსახურების მატერიალურ-ტექნიკური ბაზის, ობიექტებისა და ქონების ინვენტარიზაციის ჩატარება, საბალანსო მონაცემებთან შედარება და საქართველოს იუსტიციის სამინისტროს საჯარო სამართლის იურიდიული პირის – სამოქალაქო რეესტრის სააგენტოსათვის გადაცემა.

    მუხლი 4

ამ ბრძანებით გათვალისწინებული ღონისძიებების განხორციელებაზე კონტროლი დაევალოს საქართველოს იუსტიციის მინისტრის მოადგილეს კ. ვარძელაშვილს.

    მუხლი 5

ბრძანება ძალაშია გამოქვეყნებისთანავე.

გ. ქავთარაძე