,,საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ’’ საქართველოს საგარეო საქმეთა მინისტრის 2018 წლის 5 აპრილის №01-82 ბრძანებაში ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

,,საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ’’ საქართველოს საგარეო საქმეთა მინისტრის 2018 წლის 5 აპრილის №01-82 ბრძანებაში ცვლილების შეტანის შესახებ
დოკუმენტის ნომერი	01-453
დოკუმენტის მიმღები	საქართველოს საგარეო საქმეთა მინისტრი
მიღების თარიღი	20/09/2024
დოკუმენტის ტიპი	საქართველოს მინისტრის ბრძანება
გამოქვეყნების წყარო, თარიღი	ვებგვერდი, 23/09/2024
ძალაში შესვლის თარიღი	01/10/2024
სარეგისტრაციო კოდი	480040000.22.030.016303

PDF გადმოწერა

,,საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ’’ საქართველოს საგარეო საქმეთა მინისტრის 2018 წლის 5 აპრილის N01-82 ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, ვბრძანებ:

1. „საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ“ საქართველოს საგარეო საქმეთა მინისტრის 2018 წლის 5 აპრილის №01-82 ბრძანებაში (ვებგვერდი, 10/04/2018; სარეგისტრაციო კოდი: 480040000.22.030.016176) შეტანილ იქნeს ცვლილება და ბრძანების 20¹ პუნქტი ჩამოყალიბდეს შემდეგი რედაქციით:

„20¹. განსაკუთრებულ შემთხვევაში, მინისტრის გადაწყვეტილებით, შესაძლებელია დადგინდეს ამ ბრძანების მე-20 პუნქტისგან განსხვავებული ხარჯების ანაზღაურების წესი, რომლის შესაბამისად დიპლომატიური წარმომადგენლობის ხელმძღვანელის როტაციის წესით მივლინებამდე, „დიპლომატიური სამსახურის გავლის წესის დამტკიცების შესახებ“ საქართველოს საგარეო საქმეთა მინისტრის 2019 წლის 2 მაისის №01-74 ბრძანების მე-18 მუხლის მე-8 პუნქტით განსაზღვრულ პირთათვის, აგრეთვე საქართველოს საგანგებო და სრულუფლებიანი დესპანისათვის, საქართველოს მუდმივი წარმომადგენლის მოადგილისათვის და საქართველოს წარმომადგენლის მოადგილისათვის, რომლებიც ასრულებენ დიპლომატიური წარმომადგენლობის ხელმძღვანელის მოვალეობას, როტაციის წესით გრძელვადიანი სამუშაო მივლინებისა და ნორმატიული აქტების შესაბამისად გასაწევი ხარჯების ანაზღაურება განხორციელდება დიპლომატიური წარმომადგენლობის ხელმძღვანელის თანამდებობრივი მაჩვენებლების შესაბამისად.“.

2. ბრძანება ამოქმედდეს 2024 წლის 1 ოქტომბრიდან.

საგარეო საქმეთა მინისტრის მოვალეობის შემსრულებელი ხათუნა თოთლაძე