„დროებითი შრომისუუნარობის გამო დახმარების დანიშვნისა და გაცემის წესის დამტკიცების თაობაზე“ საქართველოს შრომის, ჯანმრთელობისა და სოციალური დაცვის მინისტრის 2009 წლის 20 თებერვლის №87/ნ ბრძანებაში ცვლილების შეტანის შესახებ

1. 1¹⁰ პუნქტი ამოღებულ იქნეს.

2. 1¹² პუნქტის შემდეგ დაემატოს შემდეგი შინაარსის 1¹³-1¹⁴ პუნქტები:

,,1^​​13. პროკურორისა და პროკურატურის გამომძიებლისათვის დროებითი შრომისუუნარობის გამო გასაცემი დახმარების გაანგარიშების ბაზას წარმოადგენს მისი თანამდებობრივი სარგო, წოდებისთვის დადგენილი სარგო,  წელთა ნამსახურობის დანამატი და რანგის დანამატი.

1^​​14. პროკურატურის პროფესიული საჯარო მოხელისათვის დროებითი შრომისუუნარობის გამო გასაცემი დახმარების გაანგარიშების ბაზას წარმოადგენს მისი თანამდებობრივი სარგო, წოდებისთვის დადგენილი სარგო და  წელთა ნამსახურობის დანამატი.“.

3. მე-7 პუნქტის ,,ბ“ ქვეპუნქტი ჩამოყალიბდეს შემდეგი რედაქციით:

,,ბ) ზეგანაკვეთური ანაზღაურება და დანამატები (ამ მუხლის 1^​​1, 1​^​3, 1​^​4, 1​^​5, 1​^​6, 1^​​8 ,1​^​9, 1^​​11, 1​^​12, 1^​​13 და 1^​​14 პუნქტებით გათვალისწინებული შემთხვევების გარდა);“.

4. 8⁸ პუნქტი ამოღებულ იქნეს.

5. 8¹⁰ პუნქტის შემდეგ დაემატოს შემდეგი შინაარსის 8¹¹-8¹² პუნქტები:

,,8¹¹. პროკურორისა და პროკურატურის გამომძიებლის დროებითი შრომისუუნარობის გამო დახმარების საერთო თანხა განისაზღვრება შეჯამებულად საავადმყოფო ფურცელში მითითებულ თვეში (ყოველ თვეზე ცალ-ცალკე) დღიური თანამდებობრივი სარგოს, წოდებისათვის დადგენილი სარგოს, წელთა ნამსახურობის დანამატისა და რანგის დანამატის გამრავლებით მოცემულ თვეში შრომისუუნარობის გამო გაცდენილ კალენდარულ დღეთა რიცხვზე.

8^​​12. პროკურატურის პროფესიული საჯარო მოხელის დროებითი შრომისუუნარობის გამო დახმარების საერთო თანხა განისაზღვრება შეჯამებულად საავადმყოფო ფურცელში მითითებულ თვეში (ყოველ თვეზე ცალ-ცალკე) დღიური თანამდებობრივი სარგოს, წოდებისათვის დადგენილი სარგოს და წელთა ნამსახურობის დანამატის გამრავლებით მოცემულ თვეში შრომისუუნარობის გამო გაცდენილ კალენდარულ დღეთა რიცხვზე.“.

6. მე-6 მუხლის 9⁴ პუნქტი ამოღებულ იქნეს.

7. 9⁶ პუნქტის  შემდეგ დაემატოს შემდეგი შინაარსის 9⁷-9⁸ პუნქტები:

,,9⁷. ამ მუხლის 8¹¹  პუნქტით გათვალისწინებულ შემთხვევაში დღიური თანამდებობრივი სარგოს, წოდებისათვის დადგენილი სარგოს, წელთა ნამსახურობის დანამატისა და რანგის დანამატის გამოთვლა ხდება თვიური შრომის ანაზღაურების (თანამდებობრივი სარგო, წოდებისათვის დადგენილი სარგო, წელთა ნამსახურობისა და რანგის დანამატები) გაყოფით შრომისუუნარობის თვის (ყოველ თვეზე ცალ-ცალკე)  კალენდარულ დღეთა რიცხვზე.

9⁸. ამ მუხლის 8¹² პუნქტით გათვალისწინებულ შემთხვევაში დღიური თანამდებობრივი სარგოს, წოდებისათვის დადგენილი სარგოსა და წელთა ნამსახურობის დანამატის გამოთვლა ხდება თვიური შრომის ანაზღაურების (თანამდებობრივი სარგო, წოდებისათვის დადგენილი სარგო, წელთა ნამსახურობის დანამატი) გაყოფით შრომისუუნარობის თვის (ყოველ თვეზე ცალ-ცალკე)  კალენდარულ დღეთა რიცხვზე.“.