“საქართველოს იუსტიციის სამინისტროს ბიუროს დებულების დამტკიცების შესახებ" საქათველოს იუსტიციის მინისტრის 2005 წლის 14 მარტის №430 ბრძანებაში"

სახელმწიფო სარეგისტრაციო კოდი 010.240.010.22.027.008.042

საქართველოს იუსტიციის მინისტრის

ბრძანება №141

2006 წლის 23 იანვარი

ქ. თბილისი

,,საქართველოს იუსტიციის სამინისტროს მინისტრის ბიუროს დებულების დამტკიცების შესახებ” საქართველოს იუსტიციის მინისტრის 2005 წლის 14 მარტის №430 ბრძანებაში ცვლილებების შეტანის თაობაზე

,,ნორმატიული აქტების შესახებ” საქართველოს კანონის 36-ე მუხლის შესაბამისად, ვბრძანებ:

1. საქართველოს იუსტიციის სამინისტროს მინისტრის ბიუროს დებულების დამტკიცების შესახებ” საქართველოს იუსტიციის მინისტრის 2005 წლის 14 მარტის №430 ბრძანებაში (სსმ III, 2005 წ., №29, მუხ.277) შეტანილ იქნეს შემდეგი ცვლილებები:

ა) მე-10 მუხლს დაემატოს შემდეგი შინაარსის ,,ლ” და ,,მ” ქვეპუნქტები:

,,ლ) სამინისტროს სტრუქტურული ქვედანაყოფებისა და სამინისტროს სისტემაში შემავალი დაწესებულებების ხელმძღვანელებთან საკითხის გადაწყვეტის შეუძლებლობის, აგრეთვე სხვა მნიშვნელოვანი გარემოების არსებობის შემთხვევაში, უზრუნველყოფს მინისტრთან და მინისტრის მოადგილეებთან მოქალაქეების მიღებას;

მ) მინისტრთან და მინისტრის მოადგილეებთან წინასწარ ათანხმებს მოქალაქეთა მიღების საკითხს.”;

ბ) ამოღებულ იქნეს მე-13 მუხლის ,,ა” ქვეპუნქტი.

2. ეს ბრძანება ამოქმედდეს გამოქვეყნებისთანავე.

გ. ქავთარაძე