,,კასპის მუნიციპალიტეტის 2024 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ კასპის მუნიციპალიტეტის საკრებულოს 2023 წლის 15 დეკემბრის №27 დადგენილებაში ცვლილების შეტანის თაობაზე

საქართველოს ორგანული კანონის  „ადგილობრივი თვითმმართველობის კოდექსი“ 61-ე  მუხლის 1-ლი და მე-2 პუნქტების, საქართველოს კანონის „საქართველოს ზოგადი ადმინისტრაციული კოდექსი“ 63-ე მუხლის და „ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, კასპის მუნიციპალიტეტის საკრებულო ადგენს:

„კასპის მუნიციპალიტეტის 2024 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ კასპის მუნიციპალიტეტის საკრებულოს 2023 წლის 15 დეკემბრის №27 დადგენილებით (www.matsne.gov.ge, 19/12/2023; 190040000.35.149.016515) დამტკიცებულ წესს  დაემატოს   20¹  მუხლი და ჩამოყალიბდეს შემდეგი რედაქციით:

„მუხლი 20¹. შეზღუდული შესაძლებლობების მქონე პირების დახმარება, რომლებსაც შშმ პირის სტატუსი მინიჭებული აქვთ ამპუტირებული კიდური/კიდურების გამო

1. ამ მუხლით  500 ლარის ოდენობით დახმარება გაეწევათ  შეზღუდული შესაძლებლობების მქონე პირებს, რომლებსაც ამპუტირებული აქვთ კიდური/კიდურები. 

2. ბენეფიციარმა ან მისი ოჯახის სრულწლოვანმა წევრმა ან კანონიერმა წარმომადგენელმა (მშობელი, მშვილებელი, მეურვე/მხარდამჭერი, მზრუნველი ან ნდობით აღჭურვილი პირი) ან მინდობილმა პირმა მუნიციპალიტეტის მერიაში უნდა წარმოადგინოს შემდეგი დოკუმენტაცია:

ა) განცხადება მუნიციპალიტეტის მერის სახელზე;

ბ) განმცხადებლის პირადობის დამადასტურებელი დოკუმენტი;

გ) ბენეფიციარის პირადობის დამადასტურებელი დოკუმენტი, ხოლო არასრულწლოვნის შემთხვევაში დაბადების მოწმობა და არასრულწლოვნის რეგისტრაციის  ბარათი (ან პირადობის მოწმობა);

დ) შეზღუდული შესაძლებლობის დამადასტურებელი დოკუმენტი;

ე) დახმარების მიმღების საბანკო ანგარიში, არასრულწლოვნის შემთხვევაში ერთ-ერთი მშობლის, მეურვის ან მზრუნველის პირადი საბანკო ანგარიში;

ვ) ბენეფიციარის კანონიერმა წარმომადგენელმა (მშობელი, მშვილებელი, მეურვე/მხარდამჭერი, მზრუნველი ან ნდობით აღჭურვილი პირი) ან მინდობილმა პირმა მუნიციპალიტეტში უნდა წარმოადგინოს ასევე აღნიშნული უფლების დამადასტურებული დოკუმენტი.

3. ამ მუხლით გათვალისწინებულ დახმარებას მიიღებს ბენეფიციარი, ან მისი ოჯახის სრულწლოვანი წევრი, ან კანონიერი წარმომადგენელი პირად საბანკო ანგარიშზე.“.