„საჯარო სამართლის იურიდიული პირის – ფინანსთა სამინისტროს აკადემიის დებულების დამტკიცების შესახებ“ საქართველოს ფინანსთა მინისტრის 2011 წლის 27 აპრილის №253 ბრძანებაში ცვლილების შეტანის თაობაზე

1.  პირველი მუხლის მე-7 პუნქტი ჩამოყალიბდეს შემდეგი რედაქციით:

„7. აკადემიის იურიდიული მისამართია: ქ. თბილისი, ვ. წითლანაძის ქ. №5. აკადემიის ტერიტორიული ერთეულების მისამართებია: ქ. ბათუმი, ბაქოს ქ. №8 და ქ. ქუთაისი, ი. ჯავახიშვილის ქ. №5.“.

2. მე-3 მუხლის მე-3 პუნქტის:

ა) „ი^1“ ქვეპუნქტი  ჩამოყალიბდეს შემდეგი რედაქციით:

,,ი¹) უფლებამოსილია, კანონმდებლობით დადგენილი წესით, აკადემიის თანამშრომელთათვის გასცეს დანამატი, რომლის ოდენობას განსაზღვრავს კურატორ მინისტრის მოადგილესთან შეთანხმებით;“;

ბ) „ს“ ქვეპუნქტის შემდეგ დაემატოს შემდეგი რედაქციის „ს^1“ ქვეპუნქტი:

,,ს¹) ამტკიცებს ადამიანური რესურსების მართვის მიმართულებით პოლიტიკას და შესაბამის დოკუმენტებს;“;

გ) „უ“ ქვეპუნქტის შემდეგ დაემატოს შემდეგი რედაქციის „უ^1“ ქვეპუნქტი:

„უ¹) უზრუნველყოფს ხარისხის მართვის მიმართულებით აკადემიაში მიმდინარე პროცესების საერთაშორისო სტანდარტებთან შესაბამისობაში მოყვანის მონიტორინგს;“. 

3. 4² მუხლის:

ა) მე-3 პუნქტის:

ა.ა) „ო“ ქვეპუნქტის შემდეგ დაემატოს შემდეგი რედაქციის „ო^1“ და „ო^2“ ქვეპუნქტები:

,,ო¹) საქართველოს კანონმდებლობის შესაბამისად, კომპეტენციის ფარგლებში, აკადემიის თანამშრომელთა და სხვა პირთა პერსონალურ მონაცემთა დაცვასთან დაკავშირებულ საკითხებზე კონსულტაციისა და მეთოდური დახმარების უზრუნველყოფა;“;

„ო²) საქართველოს კანონმდებლობის შესაბამისად, კომპეტენციის ფარგლებში, აკადემიის თანამშრომელთა და სხვა პირთა შრომის უსაფრთხოების სისტემის დანერგვისა და მონიტორინგის უზრუნველყოფა;“;

ა.ბ) „ჟ“ ქვეპუნქტი ამოღებულ იქნეს;

ბ) მე-4 პუნქტს „თ“ ქვეპუნქტის შემდეგ დაემატოს შემდეგი შინაარსის „თ¹“ ქვეპუნქტი:

„თ¹) სასწავლო პროცესების ხარისხის მართვის სისტემის ფუნქციონირებისათვის აუცილებელი მექანიზმების შემუშავება, დანერგვა და მართვა;“.