„წარმატებული სპორტსმენისა და წარმატებული მწვრთნელის, ოქროსა და ვერცხლის მედალოსანი სკოლის მოსწავლეების, წარმატებული ახალგაზრდის, სახელმწიფო სასწავლო გრანტის მფლობელი სტუდენტის დაჯილდოებისა და ახალგაზრდული ინიციატივის დაფინანსების წესში” თერჯოლის მუნიციპალიტეტის საკრებულოს 2018 წლის 7 ნოემბრის №44 დადგენილებაში ცვლილების შეტანის შესახებ

1. დადგენილების დანართის მე-2 მუხლის ,,ბ“ ქვეპუნქტი ჩამოყალიბდეს ახალი რედაქციით:

,,ბ) წარმატებული სპორტსმენი –  საქართველოს, ევროპის, მსოფლიოს, საერთაშორისო  ჩემპიონატსა და ოლიმპიურ თამაშებში თერჯოლის  ან  საქართველოს სახელით მოასპარეზე 14-დან 30  წლის ჩათვლით (თერჯოლის მუნიციპალიტეტში რეგისტრირებული) ახალგაზრდა სპორტსმენი, რომელმაც დაიკავა I, II, III ადგილი;“.

2. დადგენილების  დანართის მე-3  მუხლის პირველი და მე-2 პუნქტები  ჩამოყალიბდეს ახალი რედაქციით:

„1. წარმატებული სპორტსმენის ფულადი ჯილდოს ოდენობა განისაზღვროს შემდეგ სახით:

ა) საქართველოს ჩემპიონატის I ადგილი  – 600 ლარი; II ადგილი – 500; III – 400 ლარი;

ბ) საერთაშორისო ჩემპიონატი I ადგილი  – 1000 ლარი; II ადგილი – 800; III – 500 ლარი;

გ) ევროპის ჩემპიონატის I ადგილი – 2 200 ლარი; II ადგილი – 1500; III ადგილი – 1000 ლარი;

დ) მსოფლიო ჩემპიონატის I ადგილი – 5000 ლარი; II ადგილი – 4000; III ადგილი – 3000 ლარი;

ე) ოლიმპიური თამაშების I ადგილი – 10 000 ლარი; II ადგილი – 9000; III ადგილი – 8000 ლარი.

2. წარმატებული მწვრთნელის ფულადი ჯილდოს ოდენობა განისაზღვროს შემდეგი სახით:

ა) საქართველოს ჩემპიონატის I ადგილი  – 500 ლარი; II ადგილი – 400, III – 300 ლარი;

ბ) საერთაშორისო ჩემპიონატი I ადგილი  – 600 ლარი; II ადგილი – 400; III – 300 ლარი.

გ) ევროპის ჩემპიონატის I ადგილი – 1000 ლარი; II ადგილი – 700; III ადგილი – 500 ლარი ;

დ) მსოფლიო ჩემპიონატის I ადგილი – 2000 ლარი; II ადგილი – 1500; III ადგილი – 1000 ლარი;

ე) ოლიმპიური თამაშების I ადგილი – 3000 ლარი; II ადგილი – 2000; III ადგილი – 1500 ლარი.“.