„საქართველოს თავდაცვის სამინისტროს თავდაცვის ძალების ეროვნული გვარდიის დებულების დამტკიცების შესახებ“ საქართველოს თავდაცვის მინისტრის 2013 წლის 10 ოქტომბრის №1198 ბრძანებაში ცვლილების შეტანის თაობაზე

 1. მე-2 მუხლის:

 ა) „ო“ ქვეპუნქტი ჩამოყალიბდეს შემდეგი რედაქციით:

„ო) თავდაცვის ძალების ტერიტორიული რეზერვისა და მობილიზაციის მართვის ღონისძიებათა დაგეგმვა, კოორდინაცია და აღსრულება კომპეტენციის ფარგლებში;”;

ბ) „პ“ ქვეპუნქტი ჩამოყალიბდეს შემდეგი რედაქციით:

„პ) კომპეტენციის ფარგლებში მობილიზაციის სისტემის მართვისა და განვითარების ღონისძიებათა დაგეგმვაში მონაწილეობა;“;

გ) „ჟ” ქვეპუნქტი ჩამოყალიბდეს შემდეგი რედაქციით:

„ჟ) ტერიტორიული რეზერვის რეკრუტირებაში მონაწილეობა სსიპ – სამხედრო გაწვევისა და რეკრუტირების ეროვნულ სააგენტოსთან კოორდინაციით;“.

2. მე-3 მუხლის მე-4 პუნქტის „ვ“ ქვეპუნქტი ჩამოყალიბდეს შემდეგი რედაქციით:

„ვ) თავდაცვის ძალების მეთაურს წარუდგენს წინადადებებს და აწვდის დასამტკიცებლად გეგმებსა და პროგრამებს ეროვნული გვარდიის საქმიანობასთან, აგრეთვე რეზერვისტთა მომზადება/გადამზადებასა და ტერიტორიული რეზერვის რეკრუტირებაში მონაწილეობასთან დაკავშირებით;“.

3. მე-4 მუხლის:

ა) პირველი პუნქტის „ბ" და „ბ¹“ ქვეპუნქტები ჩამოყალიბდეს შემდეგი რედაქციით:

„ბ) საგანგებო სიტუაციებზე რეაგირების სამმართველო;

ბ¹) ტერიტორიული რეზერვის რეკრუტირებისა და მობილიზაციის მართვის სამსახური;";

ბ) მე-2 პუნქტის „ბ" და „ბ¹“ ქვეპუნქტები ჩამოყალიბდეს შემდეგი რედაქციით:

„ბ) საგანგებო სიტუაციებზე რეაგირების სამმართველო:

ბ.ა) ახორციელებს ქვეყნის სამოქალაქო უსაფრთხოების სისტემაში ჩართულ საჯარო დაწესებულებებთან კოორდინაციას;

ბ.ბ) უზრუნველყოფს საგანგებო სიტუაციების დროს ეროვნული გვარდიის რეაგირების სისტემის მართვას;

ბ.გ) კომპეტენციის ფარგლებში ახორციელებს საგანგებო სიტუაციებით გამოწვეული სამოქალაქო უსაფრთხოების ღონისძიებების დაგეგმვას, მართვას და აღსრულებას, ეროვნული გვარდიის შტაბთან კოორდინაციით;

ბ.დ) ახორციელებს საგანგებო სიტუაციებზე რეაგირებისათვის ეროვნული გვარდიის ქვედანაყოფების მომზადების უზრუნველყოფას;

ბ¹) ტერიტორიული რეზერვის რეკრუტირებისა და მობილიზაციის მართვის სამსახური:

ბ¹.ა) ახორციელებს სამობილიზაციო რეზერვის მართვას, სამინისტროს სისტემის შესაბამის სტრუქტურულ ქვედანაყოფებთან/ერთეულებთან კოორდინაციაში;

ბ¹.ბ) ახორციელებს სამობილიზაციო გეგმების შემუშავებას, კოორდინაციასა და აღსრულებას კომპეტენციის ფარგლებში;

ბ¹.გ) მონაწილეობს თავდაცვის ძალების რეზერვის მობილიზაციის სისტემის მართვისა და განვითარების ღონისძიებათა დაგეგმვაში;

ბ¹.დ) სსიპ – სამხედრო გაწვევისა და რეკრუტირების ეროვნულ სააგენტოსთან კოორდინაციით მონაწილეობს ტერიტორიული რეზერვის რეკრუტირებაში, მსურველთა რეგისტრაციასა და შერჩევის ღონისძიებებში.“.